MARKKC 8:22 - ANU LUGOD N. T. (BSI)

²² Odokkc bulu Betsaida:pc gvto. Odokkc tani:ckkc miglunc tani:koncm Bvkkolo:pc gva:boto, odokkc Bvm ri:yitteika cmna kumna luto.

MARKKC 8:22 Iomraidhean Croise

METIU 11:21

“Nolukkc mc:dvrpcnamc, Korajinkvdvnga! Nolukkc mc:dvrpcnamc, Betsaidanga! Kapila:nc nolukkolo bottaru:pc gernam agerkvdv:dcm Ti:rc odokkc Sidondo gerya:mvlo, bulu bojcrungko po:pcbong asinc mc:dvrra mcngkutsuyyangkupc toilang gaincm gcge:la odokkc mcdbulo dungge:la.

METIU 14:36

Odokkc Bvk gcnam attardok tu:bvko: gakkvpa:mvlo cmna kumna:sola: luto; odokkc cddv cddvkonc gakkvkaji cdc appv:dc csangamkangku.

METIU 8:15

Bv bvk alagdok riyitto, odo bvk ramnamdc aikangku, odokkc bv daroblangkula ila:sa:la bito.

METIU 8:3

Odokkc Bv Bvk alagdcm ma:lento odokkc bvm ri:yitto, scmpc lula, “Ngo aimolv:dakku; narcngkangkulangka.” Odokkc vgcmpc bvk ngero:ro:namdc aikangku.

METIU 9:29

Odo Bv buluk amikkvdv:dcm ri:yitbito, scmpc lula, “Noluk mc:jvgnamdcmpc nolukkc cdcmpc ika:langka.” Odokkc buluk amikkvdv:dc darkang.

MARKKC 2:3

Odokkc bulu gva:to, Bvkkolo:pc tani: appi:konc intungko sipaknc tani:ko jonga:bomto.

MARKKC 3:10

Kapila:nc Bv bulum bojcrungcm csangamotoku, cmpige:la sckkc sckkc kinamc dunganc Bvm nvnga:bomna Bvm gakkvpc cmna ikang.

MARKKC 6:45

Oddung Bvk agom tadjvla gvmvnnc tani:kvdv:dcm Bv ollu:do a:moto odokkc kekonolo:pc Bvm gvpo:la gvdopc mclvgto, Betsaida:pc, yadkumsunc tani:kvdv:dcm mclvgamdokudcm.

LU:KKC 10:13

“Nolu:kkcpc mc:dvrpcnamc, Korajina! Nolu:kkcpc mc:dvrpcnamc, Betsaidanga! Kapila:nc nolukkolo bottcru:pc gernam agerkvdv:dcm Ti:rdo:lang Sidondo gerya:mvlo, cdvlaibong bulu asinc mc:dvrra mc:latsuiyangkupc, aima:nc gain attarcm gcge:la odokkc mcdbulo tedla du:la.

LU:KKC 9:10

Agom taddjvgla gvmvnnc tani:kvdv:dc oko okkom itoji gvlatlangkula Bvm lubitoku. Odokkc Bv bulum angupc gvpakla gvbokang Betsaida cmnam nogorkolo:pc.

JO:N 1:44

Cdcmpinamc Pilipbv Betsaida: dokkai, Andriukclang Pitorkc dungko nogordokkc.

JO:N 12:21

Cdcmpila cdcbulu Pilipkolo:pc gva:to, sc:kobv Galildok Betsaida dokka:ji, odokkc bvm luto, “Miganga, ngolu Jisumc ka:lv:dag.”