MARKKC 7:31 - ANU LUGOD N. T. (BSI)

³¹ Odokkc Bv Ti:r dungo:ycgo:dokkc gvlattoku, odokkc Sidondok gvko:la Galil siycngdo:pc gvto, Dikapoli: dungo:ycgo:dok gvla.

MARKKC 7:31 Iomraidhean Croise

METIU 11:21

“Nolukkc mc:dvrpcnamc, Korajinkvdvnga! Nolukkc mc:dvrpcnamc, Betsaidanga! Kapila:nc nolukkolo bottaru:pc gernam agerkvdv:dcm Ti:rc odokkc Sidondo gerya:mvlo, bulu bojcrungko po:pcbong asinc mc:dvrra mcngkutsuyyangkupc toilang gaincm gcge:la odokkc mcdbulo dungge:la.

METIU 4:18

Galil siycng ru:yido Bv gvgo:la du:dom, Bv bvrokumsu anyiko ka:begto, Simonmc sc:kom Pitorcsin cmna gogdagaji odokkc Andriwumc bvk bvrodcm, csab aborko siycngdo crra du:dom; kapila:nc bulu csab crnai.

METIU 4:25

Odokkc bojcrungko yadkumsunc tani:yc Bvk lcdu lcdulo Galildokkc Dikapoli:dokkc Jerusalem dokkc Judiadokkc odokkc Jordan kekondokkcsin gvmvnkang.

MARKKC 5:20

Odokkc bv gvkangku odokkc Dekapolisdo lugo:birobkang cddvko pc Jisubv bvk lcganc itonc; odokkc appvng tani:yc tadla tadngaksukang.

MARKKC 7:24

Odokkc Bv daropla Ti:rcla Sidon du:tc:do:pc gvpakto. Odokkc Bv okumkolo gva:to, odokkc cdcm sc:komsin kinkosutomang; ckvdaggom Bv gapsula:tomang.

MARKKC 7:30

Odokkc bv okumpc gvkangku, odokkc ko:nc:dcm asubdo kcdla du:dopc ka:begtoku, odokkc uidc gvpakkangku.