MARKKC 7:21 - ANU LUGOD N. T. (BSI)

²¹ Kapila:nc ara:bokkc, tani:lok asin ara:bokkc, aisi:ma:pc mc:nam sagnam lendag,

MARKKC 7:21 Iomraidhean Croise

METIU 15:19

Kapila:nc asin ara:bokkc aima:nc mc:nam sagnamc lendag, tani: mokenammc, ami nc:ngcm la:namc amilo gvma:dapc ika:mvnsunammc, dopso:nammc, yadla lubisunamc, aima:pc luka:nam.

METIU 9:4

Cmpige:la, buluk mc:nam sagnamkvdv:dcm kinna:yam luto, “Nolu kapila asinkvdv:dc aima:nc agomcm mc:dang?

MARKKC 7:20

Odokkc Bv luto, “Okodc tani:lok aki: ara:bokkc lendagnc cdcna tani:ycm nac:ma:pc imodagnc.

MARKKC 7:22

amilo gvma:-la:ma:dapc imvn-gvmvnsunamc, dopso:nammc, mokenammc, amikc nc:ngcm la:binammc, yadnamc, ka:bomc:bogo:la gvnamc pa:lv:nammc, aima:n agerc, ncsunammc, lume:pc aimang cmna lugo:nammc, bottapc lusunamc, monba:-ba:namc.

LU:KKC 16:15

Cmpige:la Bv bulum luto, “Nolu cdc tani: kangkolo ainc cmna lusunckvdv:dc, cmpige:la Ru:ncbv noluk asinkvdv:dcm kinabdag; kapila:nc tani: kcra:lo okodcm bottapakpc lusuycnc Ru:ncpvnckc kangkolo cdc kvnggv:pc tayumpcnamc.

AGER KVDVNG 5:4

Cdcm koma:pc lc:dodcm, cdc noluk avkcpc ila du:mangalang. Odokkc cdcm kopakdag lcdudo:sin, cdc nolum ila:namdcmpci ila:manggalang? Kapc cdcmpc cdc nok asindo mcngkvla ka:la:ton? No tani:kvdv:dcm yadmang cmpige:la Ru:ncpvncmcmvn.”

AGER KVDVNG 8:22

Cdcmpidag asinc mc:dvrra mc:latsutokuk cdc nok aima:pc asin mc:nam kvdv:dok lcgangc, odokkc Ru:tumkolo:pc kumtok, odomvlojen, mc:yinsula:ycm, nok asin mc:namdcm jen mc:yinsuycpc.

ROMANKVDVNG 7:5

Ngolu amvrsok mcngkampc turla du:dodcm, ngoluk pa:b ilv:la mc:namkvdv:dc, lujvglurodokki dowusa:la, sinamlokkcpc a:yc e:dopc ngoluk alcalak kvdv:dc ager gerla dungai.

ROMANKVDVNG 7:8

Cmpige:la su:pak pa:bdc, kvnggv:pc lulvgnamdo so:lko pa:la appvng ilv-sa:lvng agercm gerdung. Odokkcsin lujvglurodc:ma:mvlo pa:bdc sinnc.

KOLOSIANG 3:5

Cdcmpidag nolukkolo okodc mo:pvsokkcji moketoka: aminc:ngcm la:binammc, napvnarc:ma:namc ilvnggvlvngc, aima:nc ager gerrvngc, odokkc ka:bonammc, okodc uikumnamcji.

TITUS 3:3

Kapila:nc av avycsin po:pc lcko monsi-monba:dagai, agom tadmangai, gvyodla gvdungai bojcrung ilvng-sa:lv:lok mc:bo-ka:bolok pagboai, ngoluk longckvdv:dcm ncka:mvnsula odokkc ncgopogola mclvgla, tani:kvdv:dc tayumna odokkc akoncm akonc tayumla;

JAKOB 2:4

“O:ndo dagtokai,” cdcmanggom, “Ngok alc ru:yiso tedtokai,” cmna nolu av avycm angu angumotoma:lang, odokkc aisi:ma:nc asinki kcba:ba:ncpc ima:lang?