MARKKC 7:2 - ANU LUGOD N. T. (BSI)

² bulu ka:to jc Bvk agom tadjvgla gvmvnnc tani: ckkcnc lasug suma:nam allakki doto-tv:to, cdc:, vrpu:suma:nammc.

MARKKC 7:2 Iomraidhean Croise

METIU 15:2

“Kapila nok agom tadjvgla gvmvnnc tani:kvdv:dc ta:to-ya:yok longcdok igodgvgoddcm tadma:pc ibat-siyatdang? Kapila:nc bulu cdvlo dodonc buluk alagkvdv:dcm vrpu:sumang.”

MARKKC 7:5

Odokkc Parisikvdv:dc:lang poyirnckvdv:dc bvm tawuto, “Nok agom tadjvgla gvmvnnc tani:kvdv:dc mvjvng kvdv:dok itcng gvtc:dcmpc kapila imang-gvma:n, cmpige:la vrpusuma:nam alakkoki dodag tv:dagnc?”

LU:KKC 11:38

Parisi:dc ka:la kangaksukang Bv:jc doa:ma:dapc lasuk suma:namdcm ka:la.

AGER KVDVNG 10:28

Odokkc bv bulum luto, “Nolu avyc avycm kinsudag kapc Jiwuakonc angu ope:ko lckopcnamdc cdcmanggom crangkolo gva:pcnamdc lujvg luro lukamdcmpc gva:pa:ma:ji; cmpila Ru:ncpvncbv ngom lcngkanto jc ngo sc:ko tani:ycmsin cmmumc manggom narc:ma:nc cmpa:mang.

AGER KVDVNG 11:8

Cmpige:la ngo luka, ‘Ma:, Ru:tuma; kapila:nc cmmumcmpinncm manggom narcma:ncm cdvlosin ngok nappa:sokki dokvmang.’

ROMANKVDVNG 14:14

Ngo kindag odokkc Ru:tum Jisukolo luyirla luto jc okkosin av avdc narc:ma:ncpc imang; cmpige:la sc:ko narc:mang cmna mc:dagji odokkcpc akomumkolokkcpci narc:mang.

HIBRIUKVDVNG 10:29

cddvko bojcya:pc palvgcm pa:pcnamcm sc:kobv Ru:ncpvnckc Awodcm mc:yamc:sancdc, odokkc lugoddok i:dcm narc:ma:pc imoncdc okodokki bvm narc:motagaji, odokkc aya:nc Yalodcm ipusire:ncdcm?

LUNGOR LUNAM 21:27

Cmpige:la atv narc:ma:nc odopc gva:ma:yc, cdcmanggom sc:kobv tayumpcnam agercm gerdagji akoncsin cdcmanggom lume: agomcm ludagji, cmpige:la cdc sc:kobuluk amincm Awome:rdok turnckvdv:dok potindo adtu:nc cddo:bulu gva:yc.