MARKKC 6:2 - ANU LUGOD N. T. (BSI)

² Odokkc ager germa:pc yodla du:nam longcdo Bv kumko okumdo luyirrobomkang; odokkc bojcrungc sc:kobulu Bvk luyirdcm tattonc mc:la mcngapla:ma:pc ikang, scmpc lula, “Sc tani:sc okolokkcm sc appv:scm pa:doncm? Oko mc:jong agomcm Bvm bitu:ncm? Kapin botta bottan agercm Bvk alagki gerla:dopc itu:ncm!

MARKKC 6:2 Iomraidhean Croise

METIU 4:23

Odokkc Bv Galil among appv:do gvgo:to, buluk kumko okumkvdv:do Ru:ncpvnckc taycngamong migom donamdok tadponc lutaddcm lugo:bito odokkc tani:kvdv:dok appvng Kinam ramnamcm odokkc appvng mosimola:ma:namcm aimotoku.

METIU 7:28

Odokkc Jisubv sc agom appv:scm cdvlo lungaptonc, yadkumsunc tani:kvdv:dc Bvk luyirnam agomkvdv:dcm tadla mcngapla:tomang,

MARKKC 1:39

Odokkc Bv Galil appv:do gvgo:to, buluk okumkvdv:do luyirbigo:la odokkc uikvdv:dcm mcnpagambila.

MARKKC 10:1

Odokkc Bv cdcm mcto odokkc Judia dunggo:-ycgodo:pc odokkc Jordandcm gvbadla gvkang, odokkc yadkumsunc tani:yc lckoda bvm yadrumbomkang; odokkc lckoda Bvk lukampc, Bv bulum luyirto.

LU:KKC 2:47

odokkc sc:kobulu Bvk agomcm tadbegtoji tadngaksukang Bvk mcngkinna agom lulatsukunamdcm tadla.

LU:KKC 4:15

Odokkc Bv buluk kumko okum okum appv:do, appvngc aidag cmna lungapdopc luyirto.

JO:N 6:42

Bulu luto, “Sc Josepkc awo Jisubv:ma:lang, sck ancdcmlang abudcm ngolu kindagji? Kapc Bv cmpcm su:pak, ‘Ngo taycng amo:tokkc gvidung cmna luycn’?”

JO:N 7:15

Jiwukvdv:dc cdcm mcngapla:ma:pc ikang, scmpc lula, “Kapc scmpc iycn sc amisc cdvlosin poma:pc kapc mcngkin agomcm kinla:ton?”