29 Odokkc vgcmpc cdc i:bidla kinamdc bidngasukang; odokkc bv amvrdc anpa:suto bv:jc bvk kinamdokkc aikangku cmna.
Odokkc ka:toka, dv:tak vyvngkola: anyikopc i:yyc bidtvla du:nc kinc nc:ng akonc Bvk lamkudok gva:la gcnam attar tu:bvdok gakkvto;
Kapila:nc Bv bulum bojcrungcm csangamotoku, cmpige:la sckkc sckkc kinamc dunganc Bvm nvnga:bomna Bvm gakkvpc cmna ikang.
Kapila:nc bv luto, “Ngo Bvk gcnam attaro:dcmci gakkvpa:mvlo, ngom csa:moyyckupc.”
Odokkc Bv bvm luto, “Omcsa, nok mc:jvgnamdc nom csa:motoku. Mc:po:pc gvkangkuk, odokkc nok kinam csangkangkulangka.”
Odo ayirdo Bv bojcrungko kinamcnlang sibc:bclc:la sinncm odokkc aima:nc yallom mcnpagamla dungai, odokkc bojcru:lokkcm migluncm ka:begmotoku.