27 Bv Jisukc agomcm tadbegla, odokkc Bvk lamkudok gva:to yadkumsunc tani: ara:dok odokkc bvk gcnam attardcm gakkvto.
Odokkc Bvk gcnam attardok tu:bvko: gakkvpa:mvlo cmna kumna:sola: luto; odokkc cddv cddvkonc gakkvkaji cdc appv:dc csangamkangku.
sc:kobv bojcrungko kinam ka:ncm ka:mola:sin aikumanganc, odokkc bvkkc okko dungaji cdc appv:dcm bingapto, odokkc aiyyckusong ya:dango:pc aima:pc: ibomkangai.
Kapila:nc bv luto, “Ngo Bvk gcnam attaro:dcmci gakkvpa:mvlo, ngom csa:moyyckupc.”
Odokkc Bv okoloi gva:tonc, do:lungkvdv:do, nogorkvdv:do, cdcmanggom do:lung pomkonkvdv:do, bulu ramnc kinncm attar koko amo:lo:bulu jonga:bombito, odokkc Bvk gcnam attar tu:bvdogci gakkvpc cmna Bvm kumna luto; odo cdvkonc gakkvtonc cdc appv:dc csangamkangku.
cdcmpc ika:nc jc bvk amvrdok migmo tidsunanc gain cdcmanggom dumcrcm kinc tani:kvdv:do:pc bomycmvlogom, odokkc kinamkvdv:dc bulukkolokkc aidungakui odokkc aima:nc uikvdv:dc bulukkolokkc gvpakdungai.
cdcmpc ika:nc jc bulu mola:ma:nc tani: kvdv:dcmci nogordok lambckvdv:do:pc jo:lenambomto, odokkc bulum asubkokki odokkc tani: jo:nanclo jo:lvgamto; odomvlojen Pitorbv gvla bvk yalodci buluk akekvdv:dok tayc:lo vgrumycpc cmna.