MARKKC 4:39 - ANU LUGOD N. T. (BSI)

³⁹ Odokkc Bv darobge:la csardcm morvdtto, odokkc siycng asidcm luto, “Aso:pc du:tok! Aso:pc du:tok” odokkc csardc yungasukang, odokkc odo aipakpc ronggamkang.

MARKKC 4:39 Iomraidhean Croise

METIU 8:26

Odokkc Bv bulum luto, “Nolu kapila pcsodon, ci adji:oko mc:jvgnc tani:kvdvnga?” Odo Bv darobto odokkc csardcmlang siyc:dcm ge:to; odokkc odo aso:pc dungapdangkang.

MARKKC 4:38

Ckvdaggom Bv ollu:dok kungko:bo dungai, mittukdcm dumpa:do dumjcmla yubla dungai; odokkc bulu Bvm urrobge:la luto, “Luyirna, ngolu singapmvlo no ka:ma:bo:nci?”

MARKKC 9:25

Odokkc Jisubv ka:namc yadkumsunc tani:kcrcngko dugla gvdo, Bv cdc aima:nc uidcm aima:pc morvdla luto, cdcm scmpc lula, “C:i gomma:nc odokkc ru:benc uiya, Ngo nom ludung, bvkkolokkc gvlentok, odokkc bvkkolo cdvlosin gva:yokuk.”

LU:KKC 4:35

Cmpige:la Jisub Bvm morvdla luto scmpc lula, “Aso:pc du:tok, odokkc bvkkolokkc gvlentok!” Odokkc buluk ara:do uidc bvm crtapnammc, bv bvkkolokkc gvlento, bv atvkosin mojokmorokma:pc.

LU:KKC 4:39

Odokkc Bvk kcra:do dagkang odokkc ramnamdcm morvdto, odokkc cdc ramnamdc aikangku; odokkc oddung bv darobla bulum bv ila:sa:la bito.

LU:KKC 8:24

Odo bulu Bvm gva:la urrobto, scmpc lula, “Ru:tuma, Ru:tuma ngolu singapycbong!” Odokkc Bv darobla csardcmlang lu:nc asidcm morvdto, odo cdcbulu sarngasukang, odokkc aso:pc dungkangku.