MARKKC 4:19 - ANU LUGOD N. T. (BSI)

¹⁹ odokkc mircmnammcm mc:bola, odokkc ake attar lcgangc mcngkolo, odokkc agomdcm nv:rumbomdag, odokkc cdc attv kamang cmna lcngkandag.

MARKKC 4:19 Iomraidhean Croise

METIU 13:22

Ta:ng alcgdok pidnamdok agomdc, cdc bv sc:ko agomdcm taddagnc ckvdaggom mo:pvsok agomcm mc:la odokkc mircmcm mc:bola agom dcm ncrkela, odokkc cdc a:yc e:ma:namdcm lcngkandag.

METIU 19:23

Odo Jisubv Bvk agom tadjvgla gvmvnnc tani:kvdv:dcm luto, “Aropakpc ngo nolum lubidung, mircmnc tani:akolokkcpc taycng among migom du:tcng mo:pvpc gvangpc gvla:ma:ycku.

METIU 3:10

Su:paksinci vsvng appvrkvdv:do vgv:dcm tvgabla lc:tung; ainc a:yc e:ma:nc vsvng appv:dcm cdcmpidag tc:tapdo odokkc vmvlo cra:lvgla rompakdo.

MARKKC 4:18

Odokkc akedc cdcbuluna ta:ng ara:do pidnamkvdv:dc; bulu cdc bulu sc:kobulu agomdcm taddagnc, cmpige:la mo:pvsok mc:namsagnamkokki,

LU:KKC 10:41

Cmpige:la Ru:tumbv bvm lubito, “Martanga, Martanga, no bojcrung atv lcgangc mc:dvrdung.

LU:KKC 21:34

“Cmpige:la nolu avyc avkc lcgangc ansutoka ckvma:mvlo noluk asinkvdv:dc dose-doyela:lang tvngvr:dowursunam mcngkolo mc:dutsuyc odokkc sc turnamkvdv:sok agomcm mc:yoka, odokkc cdc longcdc nolum vgcmpc ketelebcmpc scbgabyc;

JO:N 15:2

Ngok a:yc e:ma:nc rcngke: appv:dcm, Bv papagamdag, odokkc a:yc e:nc rcngke: appv:dcm Bv papu:lvgdag, odomvlojen cdc bojcrungko a:yc e:ycpc cmna.

ROMANKVDVNG 12:2

Sc mo:pvsok ikam gvkampc imvn-gvmvnyoka, cmpige:la noluk asinkvdv:dcm anupc mc:la du:nam dagnamcm ila:gvla angupc itoka, odomvlo nolu Ru:ncpvnckc mcngkamdc okkoji cdcm lcngkanbidopc, okodc aidagji odokkc torvgsupcnammcji odokkc aiyo:pc aidagji.

IPESIANG KVDVNG 2:2

Sc mo:pvsok rcngam gvkolo gvmvnka, csardok migom awodok ilang-gvla:dok gvkolo gvmvnka, cdc yalodc su:pak agercm idung lunam tadma:nckvdv:dok aowangkvdv:dok ara:lo.

IPESIANG KVDVNG 6:12

Kapcnc ngolu adinkokkilang odokkc i:kokki moka:mvnsumang, cmpige:la migomdonckvdv:dok biru:di:pc, ilang-gvlangkvdv:dok birudi:dokki, sc mo:pvscm silomclokc kcmolok mo:pvsok migom donckvdv:dok birudi:pc, taycng dungkokvdv:dok aima:n ager gernc yalo igur-gvgurnckvdv:dok birudi:pc.

PILIPIANG KVDVNG 4:6

Ru:tumbv pvnga:du:bong. Atv lcgangc mcngkesula siyoka, cmpige:la appvng lcgangc kumnamkokki aipai bila: bila: noluk turcnamdcm Ru:ncpvnckolopc lutoka.

1 TIMOTI: 6:17

Cdc mircmnckvdv:dokkcpc sc mo:pvso, bulum bottcpc lubonsudopc luma:dopc lujcmtoka, cdcmanggom buluk mc:tindcm oddar cmnamma:nc mitcmircmma:lo mc:ma:pc cmpige:la Ru:ncpvnckolo sc:kobv mitcmircmru:pc ngolum appvngkokki du:podagpodopc moru:lvgtagnc.

2 TIMOTI 4:10

Kapcnc Dema:bv, sc silokc mo:pvscm airu:pc aipc mc:dung, ngom mcpakto odokkc Tissaloniangpc gvkang; Kressenbv Galatia:pc gvkang, Titusbv Dalmatia:pc. Lu:kkc atcrc ngok lcdulo dung.

2 PITOR 1:8

Kapcnc jodi sc atvkvdv:sc nolukkc odokkc pv:namkopc du:yc, cdcbulu nolum agom ka:boma:pc cdcmanggom a:yc e:ma:dopc ngoluk Ru:tum Jisu Kristokc kinnamlo lc:pakma:yc.

JU:D 1:12

Cdcbulu aisi:ma:nc imur-gvmurc noluk aipc mc:mvnsula donamtv:nam kvdv:do, kapc bulu bottcpc jcngka:mvnsudag, akoncm akonc ka:mvngo:la bulu avavkvdv:dc; aisi:ma:nc mukkangcbulu, csarki yugo:bomnamc; lcddarpc bvrduglok a:yc kama:nc vsvngc, lcnyikopc sinnc, appvrcm busa:nammc;