MARKKC 3:8 - ANU LUGOD N. T. (BSI)

⁸ Odokkc Judia:dokkc, Jerusalemdokkc odokkc Idumiadokkc, Jordan kekonolokkc odokkc Ti:rolokkc odokkc Sidondokkc bottcru:nc tani:kcrcngc, Bvk gernam appv:dcm tadla: tadla, Bvkkolo:p gvkang.

MARKKC 3:8 Iomraidhean Croise

METIU 11:21

“Nolukkc mc:dvrpcnamc, Korajinkvdvnga! Nolukkc mc:dvrpcnamc, Betsaidanga! Kapila:nc nolukkolo bottaru:pc gernam agerkvdv:dcm Ti:rc odokkc Sidondo gerya:mvlo, bulu bojcrungko po:pcbong asinc mc:dvrra mcngkutsuyyangkupc toilang gaincm gcge:la odokkc mcdbulo dungge:la.

METIU 4:25

Odokkc bojcrungko yadkumsunc tani:yc Bvk lcdu lcdulo Galildokkc Dikapoli:dokkc Jerusalem dokkc Judiadokkc odokkc Jordan kekondokkcsin gvmvnkang.

MARKKC 7:24

Odokkc Bv daropla Ti:rcla Sidon du:tc:do:pc gvpakto. Odokkc Bv okumkolo gva:to, odokkc cdcm sc:komsin kinkosutomang; ckvdaggom Bv gapsula:tomang.

MARKKC 7:31

Odokkc Bv Ti:r dungo:ycgo:dokkc gvlattoku, odokkc Sidondok gvko:la Galil siycngdo:pc gvto, Dikapoli: dungo:ycgo:dok gvla.

LU:KKC 6:17

Odokkc Bv buluk lcdulo gvige:kula omannc among mo:di:kolo dagkang, Bvk bottcru:nc mclvgla ager germonam tani:kvdv:dok lckopc odokkc Judia odokkc Jerusalem odokkc siycng asi Ti:rclang Sidon ru:yikvd:dokkc bottaru:pc yadkumsunc tani:yc Bvk agom tadkapc gvto odokkc buluk kinamkvdv:dokkc csangamokakupc gvto;