MARKKC 2:18 - ANU LUGOD N. T. (BSI)

¹⁸ Cdcmpidodcm Jo:nkc agom tadjvgla gvmvnnc tani:kvdv:dc:lang Parisi:kvdv:dc gva:to odokkc Bvm luto, “Kapila Jo:nkc agom tadjvgla gvmvnnc tani:kvdv:dc odokkc Parisi:kvdv:dc apin doma:pc yoddang, cmpige:la nok agom tadjvgla gvmvnnc tani:kvdv:dc yodma:n?”

MARKKC 2:18 Iomraidhean Croise

METIU 23:5

Buluk ager appv:dcm amme ka:ycpc cmnangong gerdag; kapila:nc bulu tabijkvdv:dcm bottapc gcdag odokkc buluk gasorkvdv:dcm tu:bcm araipc mcdag,

METIU 6:16

“Odokkc cdvlo nolu menna doma:pc du:donc, nappangcm napvnarc:ma:pc kangkosuyoka, agom lc:sula lunckvdv:dcmpc, kapila:nc bulu dumsi migmom ka:nyi:modag buluk menna du:namdcm tani:kvdv:dc ka:begycpc cmna. Aropakpc, ngo nolum lubidung, buluk amancm bulu pa:toibong.

METIU 6:18

nok menna doma:pc du:namdcm tani:kvdv:dc ka:begmaycpc ckvdaggom nok Abubv ka:begycpc sc:ko kinmango:pc ka:la du:nc; odokkc nok Abubv sc:kobv kinmango:pc ka:dagnc nom amancm biycpc.

MARKKC 2:19

Odo Jisubv bulum luto, Magbodc du:dodcm yamgurkvdv:dc doma:pc yodla:donci? Magbodcm bulu du:botvdo appv:do bulu doma:pc yodla:mang.

LU:KKC 18:12

Ngo longc kvnvddo lcnyikopc apin doma:pc yoddo, ngok pa:nam appvng attarrokkcm vyvngcm pa:namcm bido.’

ROMANKVDVNG 10:3

Kapila:nc, dormokanamdcm kinma:pc du:la cdc Ru:ncpvnc kodokkc gvncdcm, odokkc buluk avkcdcm mogablvgpc cmna, bulu Ru:ncpvnckc dormokanamdo:pc tolvg tomang.