MARKKC 2:12 - ANU LUGOD N. T. (BSI)

¹² Odokkc bv durobkang, odokkc lomdanna kcdnanc asubdcm la:sa:to odokkc buluk appvngkc kangku:do gvlenna gvkangku; bulu appv:dc kcngcrcjala dungkang odokkc Ru:ncpvncmc airu:nc cmto, scmpc lula, “Ngolu cdvlosin okkomsin cdcmpinncm kangkvmang!”

MARKKC 2:12 Iomraidhean Croise

METIU 12:23

Odokkc tani: appv:dc mc:lamcngapla:tomang, odokkc luto, “Sc Dawidkc Awopc ila:dolang?”

METIU 15:31

Cdcmpidodcm tani: kcrc:dc mc:lamcngapla:tomang, cdvlo bulu ka:tonc agom lula:ma:nckvdv:dc lulangkangku, lcsulcbe:nc kvdv:dcm aimotoku, lambc gvla:ma:nc kvdv:dc gvlangkangku, odokkc miglunvkvdv:dc ka:begkangku; odokkc bulu Israeldok Ru:ncpvncdcm kumna aipai bito.

METIU 9:33

Odokkc cdvlo uidcm mcnpaktonc, agom lula:ma:nc tani:dc agom lurobkang; odokkc yadkumsunc tani:kvdv:dc mcngabla:tomang, scmpclula, “Cdvlosin Israelso scmpinncm kangkvmangai.”

METIU 9:8

Cdc yadkumsunc tani:kvdv:dc cdcm kangge:la pcssamkang, odokkc bulu Ru:ncpvncmc amincm gvbu:moto, sc:kobv tani:kvdv:dcm cdcmpc ila:nammcm bitu:nc.

MARKKC 1:27

Odokkc bulu appv:dc mc:la mcngapla:tomang, cdcmpila buluk arangv:lo ayv ayvkvdv:dc agom tadka:mvnsuto, scmpc lula, “Sc okkoncv? Anupc luyirnamko! Kemotangkokki Bv aisi:ma:nc uikvdv:dcmsinci lulvgcm ludag, odokkc bulu taddag.”

MARKKC 2:11

“Ngo ludung nom, darobtoka, nok kcdla du:nanc asubdcm la:sa:toka odokkc okumpc gvkangkuk.”

LU:KKC 13:13

Odokkc Bv bvm alagcm ri:yidto, odokkc oddung bvm vgcmna dagtu:motoku, odokkc bv Ru:ncpvncmc aipai cmto.

LU:KKC 17:15

Odo bulukkolok akonc bv csangkangku cmna ka:sunammc Ru:ncpvncmc bottcpakpc aipai cmna: cmna gvlatkangku;

LU:KKC 5:26

Odokkc bulu appv:dc ka:la kangaksumoto, odokkc bulu Ru:ncpvncmc aipai cmto odokkc pcsokang, scmpc lula, “Ngolu silo tadkv-kangkvma:nam agerko ka:to.”

LU:KKC 7:16

Odo appvngc pcssamkang; odokkc bulu Ru:ncpvncmc aipai cmto, scmpc lula, “Bottcru:nc lungorluncko ngoluk ara:so lenkang!” Odokkc “Ru:ncpvncbv Bvk tani:kvdv:dcm kangkapc gvito!”

JO:N 7:31

Ckvdaggom tani:kvdv:dok bojcrungc Bvm mc:jvgto; bulu luto, “Kristobv cdvlo gvycnc, Bv sc tani:sok lcngkannam kvdv:scmyam bojcyangko kanggodcm lcngkan la:yclang?”

JO:N 9:32

Mo:pvsok ru:lenpvlendodokkc miglupci onam tani:ako amigcm ka:begmotoku cmnamcm tadkvmang.

AGER KVDVNG 4:21

Odokkc bulu lckoda bulum morvdge:la bulum bulu mclvgtoku, bulum oko dcmpcmopcnam lcgangcmsin tani:kvdv:dok lcgangc pa:ma:la; kapila:nc tani: appv:dc Ru:ncpvncmc aipai bito kapc ika:ji odok lcgangc.