MARKKC 16:17 - ANU LUGOD N. T. (BSI)

¹⁷ Odokkc mc:jvgnckvdv:dok lcdulo sc: kanggodkvdv:sc gvmvnycpc; ngok aminno bulu uiycm mcnpakyc; bulu anu ayoki agomcm luyc;

MARKKC 16:17 Iomraidhean Croise

AGER KVDVNG 5:16

Tani:kvdv:dc:sin tawondokkc Jerusalemdo gvkummamsukang, ramnc kinc kvdv:dcm odokkc cdc aima:nc uikvdv:dc pa:namkvdv:dcm gva:bola, odokkc bulu appv:dcm csangammotoku.

1 KORINTIANG KVDVNG 12:28

Odokkc Ru:ncpvncbv Kristokc mondoli:do mclvgla ager germonamkvdv:dcm bia:danna bitung, lckondo lungor lunckvdv:dcm, lcumdo poyirnckvdv:dcm, odokkc mcngapla:ma:nam ager gernckvdv:dcm, odokkc csa:mokunckvdv:dcm, ager gerdumsunc-kvdv:dcm, migom donc kvdv:dcm, angu angupc agom lunckvdv:dcm.

1 KORINTIANG KVDVNG 12:10

akonkoncm mcngapla:ma:nam ager gernamcm, akonkoncm lungor lunamcm, akonkoncm yalokvdv:dcm angu angupc kangkinna lubila:dopc, akoncm angu angu agom lula:namcm akondcm agom lunamkvdv:dcm lukurbila:dopc.

AGER KVDVNG 8:7

Kapila:nc aima:nc uiyc pa:nam bojcru:lokkc duglenamkang, bottcpc jc:la jc:la; odokkc bojcrungc sc:kobulu intungko sipaknc cdcmanggom lambc gvla:ma:p du:nckvdv:d csangamkangku.

LU:KKC 10:17

Cdc nv:yingdc mc:pola, scmpc lula: lula: gvlattoku, “Ru:tuma, nok aminno uikvdv:dc:sinci ngoluk agomcm tadla kcyvgpc ingapkang!”

AGER KVDVNG 10:46

Kapila:nc bulu bulum angu-angu agomcm ludopc tatto Ru:ncpvncmc airu:pc aidag cmna lubonna lula: lula.

JO:N 14:12

“Aroru:pc, aroru:pc, ngo nolum lubidung, sc:kobv ngom mc:jvgdagnc ngok ager gernamdcm geryc; odokkc scmbulumyam bottaya:nc agercm geryc, kapila:nc ngo Abukoto:pc gvdagku.

AGER KVDVNG 19:6

Odokkc cdvlo Poulbv bulum alagcm pigabla kumtonc, Angunnc Yalodc bulukkolo:pc pvngangkang; odokkc angu angu agomki agomcm luto odokkc lungor agomcm luto.

1 KORINTIANG KVDVNG 14:2

Kapila:nc sc:kobv agom ludonc angu angomki tani:ycm lumang cmpige:la Ru:ncmc ludag; kapila:nc sc:kosin bvm tadkinmang, cmpige:la Yalodo tadngak sunamcm jc:la ludag.

1 KORINTIANG KVDVNG 12:30

Appvnglokkc csa:mokumnam amanc olang? Appvngc angu angu agom lulangki ludolang? Appvngc lukonsunamcm ludolang?

1 KORINTIANG KVDVNG 13:1

Ngo jodi tani:kvdv:doklang taycng lutad lunckvdv:dok agomkokki agomcm luyc, ckvdaggom aipc mc:namc kama:yc, ngo bc:la du:nc bottcnc arcm aborko cdcmanggom tubla bc:nc lu:pe.

AGER KVDVNG 16:18

Odokkc cdcm bv bojcrung longcko lutvto. Cmpige:la Poulmc lugo-luroto, odokkc ngengkutsula yalodcm luto, “Ngo lurvdla ludung nom Jisu Kristokc aminno gvlentok.” Odokkc cdc odo ayirardo gvlenkang.

MARKKC 9:38

Jo:nbv Bvm luto, “Luyirna, nok amin minna uiycm mcnpaknc tani:ako ka:to, odokkc ngolu bvm mcpakto, Kapila:nc bv ngoluk lcdulo gvmvnmanggai.”

AGER KVDVNG 2:33

Cdcmpila Ru:ncpvnckc lagbvg alakdo:pc la:sa:langkula:yam, odokkc Abudokkcm Angunnc Yalodok pesubinamdcm pa:la:yam, Bv scm to:lvgtag okodcm nolu ka:begdu:nc odokkc tadbegdu:nc.