MARKKC 16:16 - ANU LUGOD N. T. (BSI)

¹⁶ Sc:kobv mc:jvgycnc odokkc baptismongcm la:ycnc bv moturnam pa:yc; cmpige:la sc:ko mc:jvgma:ycnc, sika:langka cmna tolvgyc.

MARKKC 16:16 Iomraidhean Croise

METIU 28:19

Gvkang cdcmpiga:lok odokkc appvng opvncm agom tadjvgla gvmvnncpc badmota:ka, bulum baptismongcm bila: bila: Abukc odokkc Awodok odokkc Angunnc Yalodok aminno,

MARKKC 1:15

“Ayirdc pvngka:bong, Ru:ncpvnckc migompc dungko mo:pvdc pvnga:dandobong; mc:dvrra mc:latsutokuka, odokkc tadponc lutaddcm mc:jvgtoka.”

LU:KKC 8:12

lambc ru:yidok dc:yi:nckvdv:dc cdc sc:kobulu tadtoji; odo aima:nc uidc gva:do odokkc buluk asin kvdv:dokkcm la:pagamdag, bulujen mc:jvgma:la turma:ycpc cmna.

JO:N 20:31

ckvdaggom scmbulum Jisu Kristomc mc:jvgycpc cmna adto, Ru:ncpvnckc Awodcm, odokkc mc: jvgla nolu jen Bvk aminno turnamcm pa:ycpc cmna.

JO:N 3:36

Sc:kobv Awodcm mc:jvgdagnc bvkkc turyartvla du:nam turnamdc dung; sc:kobv Awodok lunamdcm tadma:ycnc turnamcm ka:pa:ma:yc, cmpige:la bvkkolo Ru:ncpvnckc aglvngc du:yc.

JO:N 3:5

Jisubv lubito “Aro-aroru:pc, ngo nolum lubidung, akoncm asiloklang Yalodokki okuma:sisscm, bv Ru:ncpvnckc migom doko mo:pvdo:pc gva:a:ma:yc.

JO:N 5:24

Aroru:pc, aroru:pc, ngo nolum lubidung, sc:kobv ngok gomugcm tadge:la Bvm mc:jvgdagnc sc:kobv ngom mclvgtagnc, turyarla turnamc dung; bv kcbang bangkolo gvangkumang, cmpige:la sikolokkc turnamlo:pc gvbatsutokubong.

JO:N 6:29

Jisubv bulum lubito, “Ru:ncpvnckc agerdc scmpcna, jc sc:kom Bv mclvgtagji nolu Bvm mc:jvgtoka.”

JO:N 6:35

Jisubv bulum lubito, “Ngo:na cdc turkunamdok pita:dc; sc:kobv ngokkolo:pc gva:ycnc bv kcno:ma:yc, odokkc sc:kobv ngom mc:jvgycnc bv cdvlosin tv:lv:ma:yc.

JO:N 6:40

Kapila:nc sc ngok Abukc mcngkamdc jc sc:kobvi Awodcm ka:doji odokkc mc:jvgdoji Bvm bvkkolo turyarla turnamdcm pa:yc; odokkc bvm ngo du:tcr longcdo sosa:ycku.

JO:N 8:24

Ngo nolum lubidung noluk pa:pkvdv:dokki nolu siycku, kapila:nc ngo Bv cmna mc:jvgma:sisscm noluk pa:pkvdv:do nolu siycku.”

AGER KVDVNG 10:43

Bvkkcpc appvng lungor lunc kvdv:dc pa:pkvdv:dokkcm mc:yinsubidag Bvk aminki.”

AGER KVDVNG 13:39

Odokkc Mose:kc lujvglurdokki okodcm nolu motubila:toma:ji mc:jvgnc takamcm motubito.

AGER KVDVNG 13:46

Odokkc Paul bv:lang Barnaba:bv kvnggv:pc a:ng pvtala lubito, scmpc lula, “Ru:ncpvnckc agomdcm nolum lubipo:pcnammai. Nolu odokkcm nv:paksula:mvn, odokkc turyartvla turnamdcm turpc arckamang cmna asin kcbangcm ba:sula:mvn, ka:toka, ngolu Ru:ncmc kinma:nc Angu ope: kvdv:do:pc gvdag.

AGER KVDVNG 2:38

Odo Pitorbv bulum luto, “Asinc mc:dvrra mc:latsutokuka, odokkc noluk appvngc Jisu Kristokc aminno baptismongcm la:tok noluk pa:pkvdv:dcm mc:yinsunam lcgangc; odokkc nolu Angunnc Yalodok amandcm pa:yc.

AGER KVDVNG 2:41

Cdcmpila cdc sc:kobulu bvk agom kvdv:dcm torvgsutoji baptismongcm langapto, odokkc odo baptismongcm bisetla bulu lv:ying awum kvramko yallo idagai.

AGER KVDVNG 22:16

Odokkc no kapila su:pak toya:la du:n? Darobtok odokkc baptismongcm la:to, odokkc nok pa:pkvdv:dcm Bvk amincm minna vrpu:tok.

ROMANKVDVNG 3:6

Kapila:nc cdcmpcmvlo kapc Ru:ncpvncbv mo:pvscm kcbangcm ba:la:ycn?

ROMANKVDVNG 4:24

Cdcm ngolukkcpcsin adgabla lc:yc sc:kobv mc:jvgdagaji jc ngoluk Jisu Ru:tummc sc:ko sikodokkcm la:sa:tokuji,

2 TISSALONIANG 1:8

bulum palvgcm lvgla cdcmbulum sc:kobulu Ru:ncpvncmc kinma:ji odokkc cdc sc:kobulu ngoluk Ru:tum Jisukc tadponc lutaddcm lukamdcmpc tadma:ji.

2 TISSALONIANG 2:12

odomvlo appv:dc aimang cmna lupakycpc sc:kobvi mc:jvgtoma:nc arodcm cmpige:la dormokamangkolo mc:pomcnganto.

1 PITOR 1:21

Bvkkokki nolukkc Ru:ncpvnckolo mc:pv:namko mc:jvgc dung, sc:kobv Bvm sikolokkc turmotokuji odokkc Bvm amin gvnamdcm bitoji, odomvlo jen noluk mc:jvgclang mc:tinc Ru:ncpvnckolo du:ycpc.

1 PITOR 3:21

Buptisma la:namdc, okodc sokkokki dungkonsudagnc, su:pak nolum mopvtdag, cdc amvrdokkcm koiyangcm mopu:sunamcmpcmang cmpige:la Ru:ncpvnckolo:pc kumna:sola lukamcmpc narc:pc mcngcsagcla mc:namcpmc,

LUNGOR LUNAM 20:15

odokkc jodi akonkc amincm turnckvdv:dok potindo pa:tomang, bvm siycngcmpinc vmv pa:ta:do cryi:lvgto.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”