MARKKC 14:41 - ANU LUGOD N. T. (BSI)

⁴¹ Odokkc Bv lcwumkopc gvlattoku, odokkc bulum luto, “Nolu su:paksinnci yubladu:n odokkc du:rasudu:n? Cdc pvngka:bong; ayirdc pvnga:du:bong; Tani:kc Awodcm togclvgtobong.

MARKKC 14:41 Iomraidhean Croise

METIU 26:2

“Nolu kindag lo:nyi lcdulo Gvbo:la gvnam donamtv:namdcm pvnga:du:bong, odokkc tani:kc Awodcm kuruslo pvtkedopc mcpaklvgyc.”

MARKKC 14:10

Odo Juda Iskaroitbv, sc:ko vyvngkolang anyidok akoa:ji, dormo ager gernckvdv:do:pc gvkang bulum Bvm bulukkolo:pc togc:lvgdopc cmna.

MARKKC 14:18

Odokkc bulu tcbuldo dola du:dodcm, Jisubv luto, “Aropakpc, ngo nolum lubidung, nolukkolok akonc ngom miru alaglo tolvgyc, ngok lcdulo sc:ko domvndu:ji.”

MARKKC 14:35

Odokkc adji:oko gvbatge:la, Bv amo:bo owangge:la kumto jc, cdcm ila:ycmvlo, cdc ayirdcm ngokkolokkcm gvpakmoteika.

MARKKC 14:40

Odokkc gvlatlangkula bulum yubdopc ka:toku, kapila:nc buluk amik kvdv:dcm airu:pc yummi:yc sotapbomdagaboi; odokkc bulu kinmangai okkomnai Bvm lubisuiya:song.

MARKKC 14:42

Darobtoka, kajc nolu gvkangkuboi; ka:toka, ngom mirupc mc:la topaklvgncdc anindc pvnga:dandu:bong.”

MARKKC 7:9

Odokkc Bv bulum luto, “Nolukkc Ru:ncsa:nckc lulvgnamdcm tadma:pc mc:nanc ainc lambc dung, noluk itcng-gvtcng kvdv:dcm itvla du:pc cmna.

MARKKC 9:31

Kapila:nc Bvk agom tadjvgla gvmvnnc tani:kvdv:dcm Bv luyirra: dungai, bulum scmpc lula, “tani:kvdv:dok alaglo tani:kc Awodcm togc:lvgyc, odokkc bulu Bvm mokeyc; odokkc Bvm mokedag lcdudo, lowum longc lcdulo Bv turycku.”

JO:N 12:23

Odokkc Jisubv bulum lubito, “Tani:kc Awodokkc amin gvmonanc ayirdc pvnga:du:bong.

JO:N 12:27

“Su:pakna ngokkc mc:pinmcngogcnc. Odokkc ngo okkomna luiya:ji? ‘Abba, sc ayirsokkcm ngom moya:tei cmycnci’? Ma: sok lcgangcmvn ngo sc ayirso:pc gvdu:n. Abba, nok amincm gvmotoka.”

JO:N 17:1

Jisubv cdvlo cdc agomkvdv:dcm lutoji, Bvk amigcm Bv bcrsa:la taycng amo:pc ka:to odokkc luto, Abba, ayirdc pvngangka:bong; nok Awodcm amincm gvmotobongka Awodc:jen nom amin gvmoycpc,

JO:N 7:30

Cdcmpila bulu Bvm ycnggabpc cmna mago:to; ckvdaggom sc:kosin Bvm alagki gakkvtomang, kapila:nc Bvk ayirdc pvnga:mangada.

JO:N 8:20

Sc agomkvdv:scm Bv murkong kumsu:do luto, kumko okumdo Bv luyirtu:la; ckvdaggom sc:kosin Bvm ycnggabtomang, kapila:nc Bvk ayirdc pvnga:mangada.

AGER KVDVNG 7:52

Lungor lunckvdv:dok sc:kom noluk abukvdv:dc ipusire:ycm itoma:n? Odokkc bulu cdc Dormokancdc gviyc cmna lungor lunckvdv:dcm mokkeyamto, sc:kom nolu su:pak mirupc mcpaktonc odokkc moketonc,