MARKKC 12:7 - ANU LUGOD N. T. (BSI)

⁷ Cmpige:la cdc arvg inckvdv:dc akoncm akonc luka:mvnsuto, ‘Sc:bo:yam lcdupc attarcm pangkonsupcncdc; gvtok, kajc bvm mokelai ngolu, odokkc lcdupc attarcm pangkonsunamdc ngolukkcpc iyc.’

MARKKC 12:7 Iomraidhean Croise

METIU 2:16

Odo Herodbv po:lo takar do:yvng kinnc tani:kvdv:dc bvm yatto cmna kinto, dungkinyckinma:pc aglvng sangkang, odokkc odok dungko anin amo:dok dv:tak anyikoba cdcm ame:ya:nc milbong ko appv:dcm mokeamdopc tani:ycm mclvgto.

METIU 21:34

Cdvlo a:yc e:dv bvrdug angka:ji, bv bvk pagbokvdv:dcm arvginckvdv:do:pc mclvgto, bvk a:yckvdv:dcm la:dopc,

MARKKC 12:12

Odokkc bulu Bvm ycnggappc cmna anka:la ka:to, cmpige:la yadkumsunc tani: kcrc:dcm pcsokang, kapila:nc bulu mcngkinsuto jc buluk birudi:pc kvkanbinam do:yvdcm kvbito; cdcmpila bulu Bvm mcto odokkc gvkangku.

MARKKC 12:6

Bvkkc ckvdaggom akoda dungai, airu:pc mc:bomsunam awoko; lcddardo bvm bulukkolo:pc mclvgto, scmpc lula, ‘Bulu ngok awoscm mcnggcru:ycpc;’

MARKKC 12:8

Odokkc bulu bvm sobomna moketo, odokkc angur arvgdokkcm crrennvgto.

AGER KVDVNG 2:23

Ncrkvgpc tarung ru:namdcmpc topaklvgto odokkc Ru:ncpvnckc kinpo:namdcmpc, nolu Kuruslo pvtjonto odokkc lujvgluro kinma:nc tani:kvdv:dok alakki moketo.

AGER KVDVNG 5:28

“Ngolu sanggabbomdanna lutungai odo amindok luyiryok cmna, ckvdaggom sc Jerusalemso nolu noluk luyirkokki lugongamto odokkc nolu cdc tani:dok i:dok palvgcmc ngolukkolo lvgpcmna idu:n.”

AGER KVDVNG 7:52

Lungor lunckvdv:dok sc:kom noluk abukvdv:dc ipusire:ycm itoma:n? Odokkc bulu cdc Dormokancdc gviyc cmna lungor lunckvdv:dcm mokkeyamto, sc:kom nolu su:pak mirupc mcpaktonc odokkc moketonc,

HIBRIUKVDVNG 1:2

cmpige:la sc du:tcr longckvdv:so Bv ngolum Awo akokokki luto, sc:kom Bv appvng attarlo pangkonsuncpc tolvgtoji, sckkokki Bv Mo:pvscm ru:toji.