MARKKC 12:12 - ANU LUGOD N. T. (BSI)

¹² Odokkc bulu Bvm ycnggappc cmna anka:la ka:to, cmpige:la yadkumsunc tani: kcrc:dcm pcsokang, kapila:nc bulu mcngkinsuto jc buluk birudi:pc kvkanbinam do:yvdcm kvbito; cdcmpila bulu Bvm mcto odokkc gvkangku.

MARKKC 12:12 Iomraidhean Croise

METIU 21:26

Cmpige:la tani:kvdv:dokkc cmna, ‘ngolu lumvlo,’ ngolu yadkumsunc tani:kvdv:scm pcsodag; kapila:nc appvng taddag Jo:nbv:jc Ru:ncpvnckc agom lungor lunckai cmna.”

METIU 22:22

Cdvlo bulu cdcm tattonc, bulu mcngapla:ma:pc ikang; odokkc bulu bvm mcpakto, odokkc gvpakkang.

MARKKC 11:18

Odokkc kumnam ager gernckvdv:dok bottarya:nckvdv:dc odokkc ainc agom luyirnckvdv:dc cdcm tatto odokkc Bvm mokenanc lambcko mago:to; kapila:nc bulu Bvm pcsokang, kapila:nc yadkumsunc tani:appv:dc Bvk luyirnamdcm mc:la mcngapla:ma:pc ikang.

MARKKC 11:32

Ckvdaggom ngolu luycnci, “Tani:kvdv:dokkc cmna?” bulu tani:kvdv:dcm pcsokang, kapila:nc appvngc taddagai Jo:nbv aroru:pc agom lungornai.

LU:KKC 20:19

Abvg adgabnc kvdv:dc:lang dormo ager gernckvdv:dok bottarya:nckvdv:dc odo ayirardo bvm alagki sogappc cmna mcngkvto, cmpige:la bulu tanikvdv:dcm pcsokang; kapila:nc buluk agom lukampc luma:pc cdc kvkanbila kvnam do:yv:dcm kvto cmna bulu tadkinsuto.

LU:KKC 20:6

Cmpige:la ‘Tani:kvdv:dokkc,’ cmna ngolu lumvlo, tani:kvd:dc ngolum vlvngkokki gckeyc; kapila:nc bulu kindagai jc Jo:nbv lungor lunckai.”

JO:N 7:25

Jiwukvdv:dok tani:ckkc cmpila luto, “Sc tani:sc:mangalang bulu mokepc cmna sc:kom magongkanc?

JO:N 7:30

Cdcmpila bulu Bvm ycnggabpc cmna mago:to; ckvdaggom sc:kosin Bvm alagki gakkvtomang, kapila:nc Bvk ayirdc pvnga:mangada.

JO:N 7:44

Buluk akke Bvm ycnggablvngkang, cmpige:la sc:kosin Bvm alagki gaga:tomang.