MARKKC 10:42 - ANU LUGOD N. T. (BSI)

⁴² Odokkc Jisubv bulum Bvkkolo:pc goga:to odokkc bulum luto, “Ru:ncsa:ncmc kinma:nc tani:kvdv:dok migom donckvdv:dc buluk ru:tumc cmna nolu bulum kindag, odokkc buluk botta bottanc tani:kvdv:dc kvnggv:pc ilang gvlangcm buluk tayc:lo idag.

MARKKC 10:42 Iomraidhean Croise

METIU 20:25

Ckvdaggom Jisubv bulum Bvkkolo:pc goga:to odokkc luto, “Nolu kindag Ami ope:kvdv:dok ru:tumdc buluk tayc:lo ru:tumpc idag, odokkc buluk bottcnc tani:kvdv:dc ilanggvlangcm bulum lcngkandag.

MARKKC 10:41

Odokkc cdcm cdc vyv:dc tannamc, bulu Jakoblang Jo:nmc kvnggv:pc aglvng sangkang.

MARKKC 10:43

Cmpige:la noluk ara:lo cdcmpc ima:yc; cmpige:la noluk sc:kobvi bottcncpc iycnc bv noluk ager gerya:ncpc iyc,

LU:KKC 22:25

Odo Bv bulum luto, “Ru:ncmc kinma:nc opvnkvdv:dc buluk tayc:lo ru:tumpc inamcm idag gvdag; odokkc buluk tayc:lo ilang gvla:nc kvdv:dcm igcsanggcnc kvdv:dc cmdag. Cmpige:la nolu:kkcpc cdcmpcmang;

1 PITOR 5:3

anyi:sunam arcpa:nam lcga:mang cmpige:la airu:pc ilvng gvlv:la, ru:tumpc ila cdc nok ka:pcnam kvdv:dok tayc:do cmpige:la kcrc:dok gvgcnc akopc ila:pak.