MARKKC 10:21 - ANU LUGOD N. T. (BSI)

²¹ Odo Jisubv bvm kangge:la ayangkang; odokkc luto bvm, “Nokkc abangko pv:ramdung; gvkangkuk, nokkc oko okko du:nc kopakta:ka, odokkc opan tani:kvdv:dcm bipakta:kuk,”

MARKKC 10:21 Iomraidhean Croise

METIU 16:24

Odo Jisubv Bvk agom tadjvgla gvmvnnc tani:kvdv:dcm lubito, “Tani: akonc ngok lcdulo gvmvnpc mc:ycnc, bvm avdc avycm cmmumc cmna lusumotok odokkc bvk kurusdcm jo:motok odokkc ngok lcdulo gvmvnmotok.

METIU 19:21

Jisubv bvm luto, “No appv:lok aiyyampc cmna mc:dagmvlo, gvkang, oko okko du:nc kongapta:kuka odokkc opancm bitok, odokkc nokkc murkong kumsungc du:yckupc: odokkc gvtok, ngok lcdulo gvmvntok.”

MARKKC 10:22

Cdc lunamdokki bvk dumsimikmodc angukang, odokkc bv mc:dvrmc:so:la gvkangku; kapila:nc bvkkc bojcrungko mitcmircmc dungai.

MARKKC 8:34

Odokkc Bv agom tadjvgla gvmvnnc tani:kvdv:dcm lckopc yadkumsunc tani:kvdv:dcm Bvkkolo:pc gogto, odokkc bulum luto, “Tani: akonc ngok lcdu lcdulo gvmvnpc mc:mvlo, bv avdc avycm cmmumc cmna mc:sumotok odokkc bvk kuruscm jo:motok odokkc ngok lcdulo gvmvnmotoka.

LU:KKC 10:42

Pa:pcnamdc akkongko. Meri:bv ainc atakdcm balenna la:to, okodcm bvkkolokkcm la:pakkuma:ycji.”

LU:KKC 12:33

Noluk attar du:nc appvngcm kopagamtok, odokkc kogo:ncm binamkvdv:dcm bitoka, akuma:nc sogcncm nolu avkcm avyc mosv:sutoka, taycngamo:tok jidma:nc murkong lcngkumnancko, okolo oko dopsongcsin gva:ma:ji odokkc tabvncsin pvdmvgma:ji.

LU:KKC 16:9

“Ngo nolum lubidung, nolu dormokama:pc pa:nam murkongki ajon jondag, odomvlo cdvlo cdc gvngapycmvlo cdcbulu nolum cdvlosin yogma:nc dungkodo torvgsuycku.

LU:KKC 18:22

Odokkc cdvlo Jisubv cdcm tattoji, Bv bvm luto, “Ager abangko su:paggom no pv:ramdu:da, nokkc oko okko du:nc appv:dcm kopaktok odokkc opankvdv:dcm ortok, odokkc taycng amo:to nokkc murkongc du:yc; odokkc gvtok, ngok lcdu lcdulo.”

LU:KKC 19:41

Odokkc Bv cdvlo aninpc pvnga:la nogordcm ka:begtoji nogordok lcganc Bv scmpc lula kapkang,

LU:KKC 9:23

Odokkc Bv appvngcm luto, “tani: akonc ngok lcdulo gvmvnmvlo, bvm avyc avdcm cmmumc cmna lupaksumotok odokkc longgcm longgcm kurusdcm jo:motoka odokkc ngok lcdulo gvmvnmotok.

JO:N 12:26

Sc:koiyc ngok mcngkam agercm germvlo, bv ngok lcdulo gvmvnru:pa:yc, odokkc ngo okolo du:ycji, odo ngok ager gerya:nckvdv:dc:sin; sc:koiyc ngok agercm germvlo, Abubv bvm mcngcyc.

JO:N 16:33

Ngo scm nolum lubitu:bong, ngokkolo mc:pomcnganc nolukkcjen du:ycpc. Rcngamso nolukkc kvnggv:pc mc:dvrc dung; ckvdaggom aipc mc:potoka, ngo rcngamscm mopvto.”

AGER KVDVNG 2:45

odokkc bulu arckan attar kvdv:dcmlang attarkvdv:dcm kopagamto odokkc cdcmbulum bulu appv:dcm orpanamsuto, buluk sc:ko sc:kobulu manamdcmpci.

2 KORINTIANGKVDVNG 12:15

Ngo kvnggv:pc mc:pola korosa:yc odokkc korosa:nampc iyc noluk yalokvdv:dok lcgangc. Ngo jodi nolum aya:domvlo, odokkc ngom adji:ya:pci aipc mc:pcnammcn?

2 TIMOTI 3:12

Aropakpci sc:ko dormokanc turnamko Kristo Jisukolo turycnc ipusire:ycm pa:yc,

HIBRIUKVDVNG 10:34

Kapcnc nolukkc makana:lo tumnam kvdv:dok lcgangc aya:sitapc mc:namc dungai, odokkc nolu mc:popc noluk kanam-sv:namkvdv:dok rotkutnam kvdv:dcm torvgsuto, kapcnc nolu kindagai jc nolu avkvdv:dokkc aiya:nc kanam-sv:namc dungai odokkc du:mvntvnc ako.

JAKOB 2:10

Kapcnc sc:kobvi lujvgluro appv:dcm lukamdcmpc taddo cmpige:la abangongkogom lukamdcmpc tadma:yc cdc appv:dcm ila:ma:nam germurncpc idag.

LUNGOR LUNAM 2:14

Cmpige:la ngokkc asudowko nok birudi:pc lupcnammc dung: nokkc akke sc:kobulu Balamkc luyir gagdagji dung, sc:kobv Balakmc poyirtoji Israel ommang kvdv:dcm lcsutsunam sv:tungcm dvngkomtoji, jc bulu murti:ycm binam donamcm dola:dopc cmna odokkc aisi:ma:nc agercm gerdopc.

LUNGOR LUNAM 2:20

Cmpige:la sc nok birudi:pc ngokkc dung, jc no Jejebel nc:dcm mc:yinsuto, sc:kobv av avdc lungor lunnc cmna lusudagji odokkc ngok ager gerya:nc kvdv:dcm aisi:ma:nc agercm geryiddopc odokkc moimang kvdv:dok kcra:lo tvlvgnam donamcm dodopc luyirdung odokkc yaddag.

LUNGOR LUNAM 2:4

Cmpige:la nok birudi:pc ngokkc sc dung, jc nok mc:pongarnam aipcmc:namdcm mcpakto.