MARKKC 10:2 - ANU LUGOD N. T. (BSI)

² Odokkc Parisi:kvdv:dc gva:la Bvm ankang kangkvpc cmna tawuto, “Tani:akolokkcpc nc:ngcm mcpakkunamdc lujvg luro lunamdcmpc idang?”

MARKKC 10:2 Iomraidhean Croise

METIU 15:12

Odo agom tadjvgla gvmvnnc tani:kvdv:dc gva:to odokkc Bvm luto, “No kindag Parisi:kvdv:dc:jc cdc lunamdcm taddodcm aima:p mcngkang cmna?”

METIU 16:1

Odo Parisi:kvdv:dclang Sadduki:kvdv:dc gva:to, odokkc Bvm ankang kangkvpc cmna bulu Bvm taycngamo:tok kanggodko lcngkantok cmna lulvgto.

METIU 19:3

Odokkc Parisi:kvdv:dc Bvkkolo:pc gva:to odokkc lukang kangkvto, scmpc lula, “Atvmum lcgangc akonkc nc:ngcm mcpakpa:dokun?”

METIU 22:35

Odokkc bulukkodok akonc, Ru:ncpvnckc lujvg-luro agomlok kinkurkinle:n akoncm Bvm taunam agomko tatto, Bvm anka:la kangkv:pc cmna.

METIU 23:13

“Ckvdaggom nolukkcpc mc:dvrpcnamc, poyirna odokkc Parisi:kvdvng, agom lc:sula lunc mc:jola kinnc tani:kvdvngc! Lcga:dc nolu taycng amo:tok migom du:tcng mo:pvdcm tani:kvdv:dokkcm mokapdag;

METIU 9:34

Ckvdaggom Parisi:kvdv:dc luto, “Bv uiycm uikvdv:dok migomdokki mcnpagdag.”

MARKKC 10:1

Odokkc Bv cdcm mcto odokkc Judia dunggo:-ycgodo:pc odokkc Jordandcm gvbadla gvkang, odokkc yadkumsunc tani:yc lckoda bvm yadrumbomkang; odokkc lckoda Bvk lukampc, Bv bulum luyirto.

MARKKC 10:3

Bv bulum lubito, “Mose:bv nolum okkom lulvgtagan?”

MARKKC 8:11

Parisi:kvdv:dc gva:la Bvm agom svgka:mvnsula lurobbomkang, taycng amo:tok kanggodko ka:pc cmna mala, Bvm ankang kangkvpcmna.

MARKKC 8:15

Odokkc Bv bulum ansudopc luto, scmpc lula, “Ka:sulangka, Parisi:kvdv:dok komir go:sa:monc kvdv:dcm.”

LU:KKC 11:39

Odokkc Ru:tumbv bvm luto, “Su:pak c:i Parisi:kvdvnga nolu bati:loklang arcmlok ru:yidcm vrpu:do, cmpige:la ara:bo nolu luyir lukanclang aima:nc asinangc.

LU:KKC 16:14

Parisi:kvdv:dc sc:kobulu murko: mc:bodagaji, cdc appv:dcm tatto, odokkc bulu Bvm luka:la luto.

LU:KKC 5:30

Odokkc Parisi:kvdv:dc:lang buluk ainc agom luyirnc kvdv:dc Bvk agom tadjvgla gvmvnnc tani:kvdv:dcm bvnbvnaila luto, scmpc lula, “Kapila nolu migom murkong urkumnc kvd:dokkilang papi:kvd:dokki dobo-tv:bosudon?”

LU:KKC 6:7

Odokkc ainc agom luyirnckvdv:dc:lang Parisi:kvdv:dc Bvm kanggabbomla dungai, Bv yodla du:do longgcm kinamcm csa:moyckuji csa:mokuma:ycji cmna, odomvlo Bvm atv lumurko lubegpa:ycji cmna.

LU:KKC 7:30

ckvdaggom Parisi:kvdv:dc:la lujvgluro lunc kvdv:dc Ru:nckc mcngkamdcm buluk ayv ayvkcpc lupakto; bvkkokki baptismo la:ma:pc.)

JO:N 11:47

Cdcmpila dormoager gernc kvdv:dok bottarya:nc kvdv:dc:lang Parisi:kvdv:dc kcba:dcm gokkumsuto, odokkc luto, “Ngolu okkom ipcnammcn? Kapila:nc sc tani:sc bojcrungko kanggodcm lcngkandag.

JO:N 11:57

Bv:jc dopundojar dokoso:pc gvma:ycnc? Cdcmpidodcm dormo ager gernckvdv:dok bottarya:ncdc odokkc Parisi:kvdv:dc lulvgkko luto jc sc:koiyc Bv okolo du:ji ka:begycmvlo, bv bulum kinmopa:yc, odojen bulu Bvm ycnggabla:ycpc.

JO:N 7:32

Parisi:kvdv:dc yadkumsunc tani:kvdv:dok bvn-bvnaila Bvm lunamkvdv:dcm tatto, odokkc dormo ager gernckvdv:dok bottarya:nckvdv:dc migom ager gernckvdv:dcm Bvm ycnggabdopc mclvgto.

JO:N 7:48

Atv ager ilang-gvla:nckvdv:dok akonc manggom Parisi:kvdv:dc Bvm mc:tinsutonci?

JO:N 8:6

Cdcm bulum Bvm anka:la ka:pc cmna luto, bulujen Bvk tayc:lo atvko lujcmko lupc cmna. Jisubv tu:mapge:la Bvk lakke:dokki amo:bolo adto.

1 KORINTIANG KVDVNG 10:9

Ngolu Ru:tummc anka:la ka:pa:ru:mang, buluk akke ka:namdcmpc odokkc tabvkokki singapnamdcmpc;