MARKKC 10:17 - ANU LUGOD N. T. (BSI)

¹⁷ Odokkc Bvk gvtc:lok gvbomnammc, tani:akonc duga:la Bvk kcra:do lcbvng tumangkang, odokkc Bvm tawuto, “Airu:nc Luyirna, turyarla turnamdcm pa:pc ngo okkardcm ipcru:nammcn?”

MARKKC 10:17 Iomraidhean Croise

METIU 17:14

Odokkc bulu yadkumsula du:nc tani:kvdv:do:pc cdvlo gvlattokunc, tani:akonc Bvkkolo:pc gva:to odokkc bvk kcra:do lcbvng tuma:la luto,

METIU 25:34

Odo cdc Migomdc alag lagbvgpc du:nckvdv:dcm luyc, ‘Kajc, ngok Abukc aipai pa:nckvdvnga, noluk lcga:pc mosv:la lc:nam migom mo:pvdcm dungkonsubomtoka tani:amo:scm mododokkcbong.

METIU 28:8

Cdcmpila bulu lomdanna gvkangku agodokkc pcsola odokkc airu:pc mc:pola, odokkc Bvk agom tadjvgla gvmvnnc tani:kvdv:dcm lubikakupc dugla gvkangku.

MARKKC 1:40

Odokkc ngero:ro:nam tani: akonc Bvkkolo:pc gva:to Bvm kumna:sola, odokkc lcbvng tuma:la Bvm luto, “No mc:mvlo no ngom narc:mola:dag.”

MARKKC 10:18

Odokkc Jisubv bvm luto, “Kapila no ngom airu:nc cmdang? Ru:ncsa:ncbv:ma:mvlo sc:kobv:sin aimang.

MARKKC 12:14

Odokkc bulu gvla Bvm luto, “Luyirna, ngolu kindung no arro cmna, odokkc oko tani:ycmsin pcsomang; kapila:nc no tani:lok nappangcm ka:mang, cmpige:la aropakpc Ru:ncsa:nckc lambcdcm lcngkandag. Kaesarmc dorpcnam murko:dcm dornamdc lujvgluro adnamdcmpc bipa:doyc bipa:ma:yc?

MARKKC 9:25

Odokkc Jisubv ka:namc yadkumsunc tani:kcrcngko dugla gvdo, Bv cdc aima:nc uidcm aima:pc morvdla luto, cdcm scmpc lula, “C:i gomma:nc odokkc ru:benc uiya, Ngo nom ludung, bvkkolokkc gvlentok, odokkc bvkkolo cdvlosin gva:yokuk.”

LU:KKC 10:25

Odokkc ka:toka lujvgluro lunc akonc luka:la kangkvpc cmna darobkang, scmpc lula, “Luyirna, turyarla du:nam turnamdcm pa:pc ngo okkom ipcnammcn?”

JO:N 3:2

Cdc tani:dc Jisukolo:pc yumckoncm gva:to odokkc Bvm luto, “Rabbi, ngolu kindag jc no Ru:ncpvnckolokkc gvnc Luyirncko; kapila:nc sc:kosin sc nok kanggod kvdv:scm ila:mang, Ru:ncpvnbv Bvk lcdulo du:mvnma:mvlo.”

JO:N 5:39

Nolu Ru:nckc agom jvggabdcm madag, kapila:nc nolu mc:dag jc odobulu nolukkc turyarla turnamdc dung cmna; odokkc cdcbuluna jc ngom lukan lubinckvdv:dc.

JO:N 6:40

Kapila:nc sc ngok Abukc mcngkamdc jc sc:kobvi Awodcm ka:doji odokkc mc:jvgdoji Bvm bvkkolo turyarla turnamdcm pa:yc; odokkc bvm ngo du:tcr longcdo sosa:ycku.

AGER KVDVNG 16:30

odokkc bulum la:lenbomge:kula luto, “Tani:kvdvnga, ngo o:karko ipcnammcn?”

AGER KVDVNG 2:37

Cdcmpinamc bulu cdcm tadge:la buluk asinkvdv:dcm nvgjonamto, odokkc Pitormclang agom tadla gvmvnnc akekvdv:dcm luto, “Bvrokvdvnga, ngolu kapc iycn?”

AGER KVDVNG 20:32

Odokkc Bvk ayang abonamdok agomdo:pc tolvgdung, okodc nolum mosa:pc mosa:ladagji odokkc nolum sc:kobulum narc:pc mopu:tonc buluk du:tcngcm du:bomdopc imola:dagji.

AGER KVDVNG 9:6

ckvdaggom darobtoka odokkc nogordo:pc gva:la gvtok; nom lubiycpc no okkom ipcnammcji.”

ROMANKVDVNG 2:7

ainc agercm mentumsula du:namki gerla amingvnamcm odokkc mcnggcnammcm odokkc sima:pc du:namcm manckvdv:dcm, Bv turyarla turnamcm biyc;

ROMANKVDVNG 6:23

Kapila:nc pa:bcm ila ircpa:namdc sinamc, cmpige:la Ru:ncpvnckc cpv:pc binam amandc ngoluk Ru:tum Kristo Jisukolo turyarla turnamdc.

IPESIANG KVDVNG 1:18

Noluk asinkvdv:do amikkvdv:dcm pva:dopc ila, jc nolujen kinycpc okodo mc:tindc:ji okolopc nolum gogtoji, aipc kumnc tani:kvdv:do oko okokvdv:dc Bvk amin gvnc mitc--mircm pa:mvnkupcnam kvdv:dc:ji,

TITUS 3:7

cdcmpimilo jen ngolum Bvk aya:pc mc:namkokki aidag cmna luycnc odokkc lo:dv longkvpc turnamlok mc:tomla du:namdok du:ngkonsumvnncpc iycpc.

HIBRIUKVDVNG 1:14

Cdc appv:dc ager incsa:nc yaloma:lang ager gerdopc mclvgnammc, cdc sc:kobulu moturcm pa:tonc odok buluk lcgangc?

1 PITOR 1:4

odokkc dungkan-dakkansunam lo:pc okodc yogma:ji, narc:ma:pc ila lc:ycji, odokkc sana:ma:ycji, noluk lcgangc taycng amo:to lc:tung.

1 JO:N 2:25

Odokkc cdcna okodcm Bv ngolum pesubitonc, lo:dvnscm du:tvnc turnamdc.