LU:KKC 9:41 - ANU LUGOD N. T. (BSI)

⁴¹ Jisubv luto, “C:i mc:jvgma:nc odokkc gvnyoksunc ope:kvdvnga, ngo cddv longckopc noluk lcdulo du:mvnycn odokkc nolum ka:dumsuycn? Nok awodcm so:pc langa:tok.”

LU:KKC 9:41 Iomraidhean Croise

METIU 11:28

“Ngokkolo:pc gva:toka, appvngc sc:kobulu airu:pc mc:dvrra mc:tapsula du:nckvdvnga, odokkc ngo nolum mc:rasukkom biyc.

METIU 12:39

Cmpige:la Bv bulum lubito, “Aima:sv:ma:nc odokkc amikc nc:ng lango:nc opvnc kanggod ako madag; cmpige:la agom lungorla lunc Jonangkc kanggoddok angupc oko kanggodcmsin bima:yc.

METIU 12:45

Odo bv gvla odokkc bvm aiya:ma:nc yalo kvnvdko bvk lcdulo gvbodakku, odokkc bulu odo gva:do odokkc du:do; odokkc cdc tani:dok lcddarkc du:namdagnamdc po:pckcmyam cmpcsin aiya:ma:pc idag. Cdcmv:pc sc aima:nc opvnsokkc iyc.”

METIU 16:4

Aisi:ma:nc odokkc aminc:ng langgo:nc ope:yc kanggodko ka:pc cmna madag, ckvdaggom Jona:mc lcngkannam kanggoddok angupc oko kanggodcmsin lcngkanma:yc.” Cmpige:la Bv bulum mcpakto odokkc gvpakgcto.

METIU 17:17

Odokkc Jisubv lubito, “C:i mc:jvg kama:nc odokkc gvmursula gvnc opvna, ngo cddvlongcko noluk lcdulo du:mvnycn? Cddvko ngo nolum mc:yinsuycncm Bvm so:pc ngokkoso:pc boma:tei”

METIU 23:36

Aroru:pc, ngo nolum lubidung, cdc appv:dc sc opvnsok tayc:lo pa:ycku.

METIU 3:7

Ckvdaggom bv ka:namc Parisi:kvdv: dokkcla: Sadduki: kvdv:dokkc bojcrungko baptismo langkapc gvdo, bv bulum luto, “Nolu airu:pc aima:nc tabv ope:yc! Sc:ko nolum a:pcnc bottcru:nc aglvngdokkc duggcdopc lutadno:ton?

MARKKC 10:14

Cmpige:la Jisubv cdcm kangge:la kvnggv:pc aglvng sangkang, odokkc bulum luto, “Ko:kangkvdv:dcm ngokkoso:pc gva:motoka, bulum lutumyok; kapila:nc cdcmpinc kvdv:dokkcpcmvn Ru:ncsa:nckc migom doko mo:pvdc.

MARKKC 10:49

Odokkc Jisubv du:tedge:la luto, “Bvm gogtok.” Odokkc bulu miglunc tani:dcm goga:to, bvm scmpc lula, “Pesoma:pcka; darobtok, bv nom gogdung.”

MARKKC 9:19

Odokkc Bv bulum lubito, “C:i mc:jvg kama:nc ope:ya, cddv ayirkopc ngo noluk lcdulo du:mvnycncm? Cddvkonu ngo nolum mc:yinsula du:ycncm?

LU:KKC 8:25

Bv bulum luto, “Noluk mc:jvgkvdv:dc okolon?” Odo bulu pcssamkang, odokkc mc:la mcngapla:ma:pc ikang, akonc akoncm luka:mvnsula, “Sc:kon sc cmpcmvlo, Bv:jc csardcmna: asidcmsin lulvgdagnc, odokkc cdcbulu Bvk lunamdcm taddagnc?”

LU:KKC 9:40

Odokkc ngo nok agom mcjvgla gvmvnnckvdv:dcm cdcm mcnpakteika cmna kumna luto, cmpige:la bulu mcnna:tomang.”

LU:KKC 9:42

Bv gva:dodcm, uidc bvm tvrtapto odokkc tvrgvt-tvrmatto. Cmpige:la Jisubv aima:nc uidcm morvdto, odokkc ko:dcm csa:motoku, odokkc bvk abudcm bvm bilattoku.

JO:N 14:9

Jisubv bvm lubito, “Ngo siddv longcko du:mvnma:lang, odokkc ckvdaggom nolu ngom kinmang, Pilipa? Sc:kobv ngom ka:tobo:nc Abubvmci ka:tobong; no kapc lula:don, ‘Ngolum Abudcmci lcngkanteika cmna?

JO:N 20:27

Odo Bv Tomamc luto, “Nok lakke:dcm suda:toka, odokkc ngok alagcm ka:toka; odokkc nok lakke:dcm sadlentokuka, odokkc nok alakdcm ngok angketsok pika:tok; mc:jvg kama:ncpc iyoka, cmpige:la mc:jvgtoka.”

AGER KVDVNG 13:18

Odokkc yv:pi dv:takkvramkopc Bv buluk yumra:do ka:sv:mosv:to.

AGER KVDVNG 2:40

Odokkc bv agom bojcrungkoda lula lukanbito odokkc angu agomkokkisin luyirra bulum luto, scmpc lula, “Nolu av avyc sc yadkuknc opvnsokkcm mopvtsutoka.”

ROMANKVDVNG 2:4

Cdcmanggom no mc:ya-mc:sala mcngka:la ka:donci Bvk cddvkojc ayang-abodcm odokkc mentumsula du:namdcm? No kinma:nci jc Ru:ncpvnckc ayang-abodc nom asin mc:dvrra mc:latsudokupc mc:modag cmna?

HIBRIUKVDVNG 3:19

Cdcmpidag ngolu ka:dag jc bulu gva:la:mangai jc buluk mc:jvgma:nam lcgangki.

HIBRIUKVDVNG 4:11

Kajc cdcmpidag cdc du:rasukodo:pc gva:lai, jc sc:kosin cdcmv:pinc agom lukamdcmpc tadma:nampc ingapla siycpc.

HIBRIUKVDVNG 4:2

Kapila:nc tadponc lutaddc ngolukkodo:pc pvngangkang kappar bulukkolo:pc pvngangkaji; cmpige:la cdc bulu oko lutaddcm bulu tadtonc bulum avkamotomang, kapila:nc cdc tadnckvdv:dcm mc:jvgkokki mcnga:tomang.

HIBRIUKVDVNG 7:25

Odokkokki ila Bv lo:dcm cdc sc:kobulu Ru:ncpvnckc kcra:lo:pc gva:dagnc Bvkkokki motula:dag, Bv lo:dvscm buluk lcgangc kumbipc turra du: la:yam.