LU:KKC 8:22 - ANU LUGOD N. T. (BSI)

²² Longckoncm Bv ollung arangkolo Bvk agom tadjvgla gvmvnnc tani:kvdv:dokki lckopc a:to, odokkc Bv bulum luto, “Kajc siycng pa:tang kekonpc kongko:la gvkai.” Cdcmpila ko:robbomkang, odokkc bulu ko:la gvdodcm Bv yummi:la yubkang.

LU:KKC 8:22 Iomraidhean Croise

METIU 14:22

Odokkc Bv agom tadjvla gvmvnnc tani:kvdv:dcm ollu:do a:moto odokkc Bvm gvpo:la kekonpc gvpo:dopc mclvgto, Bv yadkumsunc tani:kvdv:dcm mcpan-mcranam sudodcm.

METIU 8:18

Cdcmpc idodcm Jisubv bottcru:nc yadkumsunc tani:ycm Bvk dungko appv:do ka:begla, kekonolo:pc gvdopc lutadko luto.

MARKKC 5:21

Odokkc cdvlo Jisubv ollungki lckoda kekonpc kongko:tokunc, bojcrungko tani:yc yadkumsukang bvk dungkodo; odokkc Bv siycng asi ru:yido dungai.

MARKKC 6:45

Oddung Bvk agom tadjvla gvmvnnc tani:kvdv:dcm Bv ollu:do a:moto odokkc kekonolo:pc Bvm gvpo:la gvdopc mclvgto, Betsaida:pc, yadkumsunc tani:kvdv:dcm mclvgamdokudcm.

MARKKC 8:13

Odokkc Bv bulum mcpakto, odokkc ollung ara:do angge:la lckoda Bv kekonolo:pc kongkongkang.

LU:KKC 5:1

Ru:ncpvnckc agomcm tadpc cmna tani:kvdv:dc Bvm nv:rumbomnamc, Bv Genesaret siycng bottcnc pa:tang ru:yido dagla dungai.

LU:KKC 8:23

Odokkc siycng pa:ta:do bottcnc csarko sarsangkang, odokkc bulu assc kaga:bomla airu:pc pcsopcnampc ikang.

LU:KKC 8:33

Odo cdc uikvdv:dc cdc tani:dokkc gvlenamkang odokkc e:gkvdv:do gvangamkang, odokkc cdc kcrc:dc siycng pa:ta:dok owudnc ragodo:pc dugamla dugbologamsula singapkang.

JO:N 6:1

Odok lcdupc Jisubv Galil siycng asidok kekondo:pc gvkongka okodc Tiberiang siycnga:ji.

AGER KVDVNG 27:2

Odokkc Adramittium do:pc ko:pcnc ja:j ollungkolo, okodc kongganko kvdv:do:pc ko:la gvpc cmna idungaji Asia:dok siycng ru:yidok, ngolu siycngpc gvlento, Aristarku:mc gvjonna, Tissalonika:dok Makedoniang tani:ko.