LU:KKC 8:14 - ANU LUGOD N. T. (BSI)

¹⁴ Odokkc ta:ng alcgolok dcnga:nc kvdv:dc kapc ika:nc, buluk lambclo gvtvla du:la turra du:dosok mitcmircmcm odokkc mc:pomcngancm mcnggo:la mc:motsula du:dag, odokkc buluk a:yckvdv:dc jv:mang.

LU:KKC 8:14 Iomraidhean Croise

METIU 13:22

Ta:ng alcgdok pidnamdok agomdc, cdc bv sc:ko agomdcm taddagnc ckvdaggom mo:pvsok agomcm mc:la odokkc mircmcm mc:bola agom dcm ncrkela, odokkc cdc a:yc e:ma:namdcm lcngkandag.

MARKKC 4:19

odokkc mircmnammcm mc:bola, odokkc ake attar lcgangc mcngkolo, odokkc agomdcm nv:rumbomdag, odokkc cdc attv kamang cmna lcngkandag.

LU:KKC 16:13

Oko ager gerya:ncsin ru:tum anyikolok agercm gerbila:mang; kapila:nc bv akoncm tayu:mpa:yc odokkc akondcm aipc mc:pa:yc, cdcmpcmanggom bv akondcm mc:lvgsuyc odokkc akondcm mcpakyc. Nolu Ru:ncpvncmclang murkongcm lckko:pc mc:la mala:mang.”

LU:KKC 21:34

“Cmpige:la nolu avyc avkc lcgangc ansutoka ckvma:mvlo noluk asinkvdv:dc dose-doyela:lang tvngvr:dowursunam mcngkolo mc:dutsuyc odokkc sc turnamkvdv:sok agomcm mc:yoka, odokkc cdc longcdc nolum vgcmpc ketelebcmpc scbgabyc;

LU:KKC 8:13

Odokkc vlvngtayc:dok dcnga:nckvdv:dc cdcbulu, cdvlo bulu agomdcm taddagnc, mc:po:pc cdcm torvgsudag; cmpige:la odokbulu:kkc appvrc kamang, asudowwongko bulu mc:jvgdag odokkc ankang kangkvdo ayirro bulu mcpakdag.

LU:KKC 8:15

Odokkc ainc amo:do dc:yi:nckvdv:dokkcpc, bulu cdc sc:kobulu, agomdcm taddagnc, cdcmbulum aiyo:pc asinbo mc:jupla lc:dagnc, odokkc mcnggaptvla du:namki a:ycm e:modag.

LU:KKC 8:7

Odokkc akedc ta:ngalcglo dcngangkang; ta:ngkvdv:dc odokbuluk lcdulo sa:mvnkang odokkc cdcm sa:rumna sangkeyamto.

JO:N 15:6

“Tani: akonc ngokkolo du:ma:mvlo, bvm rcngke:ko papaknammcmpc papakdag odokkc sanpakdag; odokkc rcngke:kvdv:dcm sokumsudag, vmvlo cra:lvgla rompakdag.

1 TIMOTI: 6:17

Cdc mircmnckvdv:dokkcpc sc mo:pvso, bulum bottcpc lubonsudopc luma:dopc lujcmtoka, cdcmanggom buluk mc:tindcm oddar cmnamma:nc mitcmircmma:lo mc:ma:pc cmpige:la Ru:ncpvnckolo sc:kobv mitcmircmru:pc ngolum appvngkokki du:podagpodopc moru:lvgtagnc.

2 TIMOTI 4:10

Kapcnc Dema:bv, sc silokc mo:pvscm airu:pc aipc mc:dung, ngom mcpakto odokkc Tissaloniangpc gvkang; Kressenbv Galatia:pc gvkang, Titusbv Dalmatia:pc. Lu:kkc atcrc ngok lcdulo dung.

HIBRIUKVDVNG 6:1

Cdcmpidag kajc Kristokc lusa:nam astrong agom lukamo:dcm mcge:la odokkc sv:titsunampc sv:sa:la kvnggv:la gvlai: lckoda sinam ager gernamkvdv:dok lcgangc odokkc Ru:ncpvnckc mc:jvgnamdok lcgangc lckoda dunggcngkoko mosa:ma:pc,