LU:KKC 8:13 - ANU LUGOD N. T. (BSI)

¹³ Odokkc vlvngtayc:dok dcnga:nckvdv:dc cdcbulu, cdvlo bulu agomdcm taddagnc, mc:po:pc cdcm torvgsudag; cmpige:la odokbulu:kkc appvrc kamang, asudowwongko bulu mc:jvgdag odokkc ankang kangkvdo ayirro bulu mcpakdag.

LU:KKC 8:13 Iomraidhean Croise

MARKKC 6:20

Ckvdaggom bv mokela:toma, kapila:nc Herodbv Jo:nmc pcsokang, bv dormokancko odokkc angunnc tani:ko cmna kinna:yam, odokkc bvm atvkosin ima:dopc mc:to. Cdvlo bvk agomcm bv tadbegtonc, bv aipakpc mcngkin mc:para:tomang; odokkc ckvdaggom bv mc:po:pc bvk agomcm tatto.

LU:KKC 8:12

lambc ru:yidok dc:yi:nckvdv:dc cdc sc:kobulu tadtoji; odo aima:nc uidc gva:do odokkc buluk asin kvdv:dokkcm la:pagamdag, bulujen mc:jvgma:la turma:ycpc cmna.

LU:KKC 8:14

Odokkc ta:ng alcgolok dcnga:nc kvdv:dc kapc ika:nc, buluk lambclo gvtvla du:la turra du:dosok mitcmircmcm odokkc mc:pomcngancm mcnggo:la mc:motsula du:dag, odokkc buluk a:yckvdv:dc jv:mang.

JO:N 15:2

Ngok a:yc e:ma:nc rcngke: appv:dcm, Bv papagamdag, odokkc a:yc e:nc rcngke: appv:dcm Bv papu:lvgdag, odomvlojen cdc bojcrungko a:yc e:ycpc cmna.

JO:N 15:6

“Tani: akonc ngokkolo du:ma:mvlo, bvm rcngke:ko papaknammcmpc papakdag odokkc sanpakdag; odokkc rcngke:kvdv:dcm sokumsudag, vmvlo cra:lvgla rompakdag.

JO:N 5:35

Bv dorra du:nc unjvgnc saki:kai, odokkc nolu bvk pva:do asudowko mc:poko mc:lvgdagai.

1 KORINTIANG KVDVNG 13:2

Odokkc ngokkc lungor lunanc ilang gvlangc jodi dung, odokkc appvng kinnam agom kinyc, odokkc ngokkc appvng mc:jvgc dung, adi: kvdv:dcm ncrpakla:namc, cmpige:la ayang ka:ma:mvlo, ngo okosinmang.

1 KORINTIANG KVDVNG 15:2

okodokki nolu turdu:ji, cdcm nolu kvnggv:pc gagla du:mvlo–ckvma:mvlo nolu cmmumpc mc:jvgto.

GALATIANG KVDVNG 3:1

C:i monba: ba:nc Galatiangkvdvng! Nolum sc:ko luyuton, sc:k ka:de:pc Jisumc tani:ka:de:pc kurusdo pvtketo cmna lulen-lua:la lubiton?

GALATIANG KVDVNG 3:4

Cddvlo agercm ikvgvkvla pangkvsuge:la cmmumpci itogvton?–cdc aroru:pci cmmuma:n.

IPESIANG KVDVNG 3:17

odokkc jc Kristobv:jen noluk asin arangkvdv:do mc:jvgkokki du:ycdagycpc; jc nolu, aipc mc:namlo appvrc amo:bo pvrgabycpc.

KOLOSIANG 1:23

nolu mc:jvgla du:lvmvlo, du:tvla odokkc cngunma:pc du:la, tadponc lutaddok mc:tindokkc mcngcrma:pc nolu okodcm tadtoji, taycngamong kcyvgsok appvng ru:namcm okodcm lutadbitoji, odokkc okodokkcpc ngo, Poulbv, mclvgla ager gernc migom ager gerncpc ika:ji.

KOLOSIANG 2:7

appvrc pvra:la odokkc mosa:la odokkc mc:jvgdo mongapto, kapc nolum poyirtoji, aipai binamc pv:se-pv:yelangka.

1 TISSALONIANG 3:5

Kapcnc sok lcgangc, cdvlo ngo cmpcsin menrasula:toma:bo:ji, ngo mclvgto jc ngo:jen noluk mc:jvgdcm kinna:ycpc, kapcnc pcsonam lcgangc jc kapcji ila cdc ka:bomc:bomoncdc nolum ka:bomc:bomoto odokkc jc ngoluk ager gernamdc cmmumpc iycpc.

1 TIMOTI: 1:19

Mcngc-saggcm mcpakge:la, tani: akke buluk mc:jvgkvdv:dok siycng ollungcm jvngangammoto,

HIBRIUKVDVNG 10:39

Cmpige:la ngolu cdc ngedlatsukunc kvdv:dokkcmang odokkc momvgnam kvdv:dokkc, cmpige:la cdc sc:kobulukkc mc:jvgc du:ji odokkc buluk yalokvdv:dcm lc:do.

JAKOB 2:26

Kapcnc yalodc amvrdc:ma:mvlo kapc sincpc idagnc, cdcmv:pc mc:jvgdc agerkvdv:dc:ma:mvlo sinnc.

2 PITOR 2:20

Kapcnc jodi, bulu mo:pvsok napv-narc:ma:namdokkc ngoluk Ru:tumkc kinnam agomdokki dugpvtsuge:la odokkc Mopvtnc Jisu Kristobv, bulu lckoda odobulu yetsudag odokkc mopvkosudag, cdc du:tcrkc du:nam dagnamdc cdc dungangarpo:nam dcmyam aiyangarma:pc ido.

2 PITOR 2:22

Cdc bulukkcpc cdcmpc ikang cdc aro lukanna lunamdcmpc, iki:dc bvk avkc badlennamdcm tu:latsula dosudakku, odokkc e:gcm vrpu:namdcm bvm bukatlo yonbut-yonyatsumokupc vrnamc.

1 JO:N 2:19

Bulu ngolukkolokkc gvlenpakkang, cmpige:la bulu ngolukkcmangai; kapcnc bulu ngolukka:mvlo, bulu ngoluk lcdulo du:mvntvya:pc; cmpige:la bulu gvlenkang, jc cdc kinpoycpc cmna jc bulu ngolukkcmang.

JU:D 1:12

Cdcbulu aisi:ma:nc imur-gvmurc noluk aipc mc:mvnsula donamtv:nam kvdv:do, kapc bulu bottcpc jcngka:mvnsudag, akoncm akonc ka:mvngo:la bulu avavkvdv:dc; aisi:ma:nc mukkangcbulu, csarki yugo:bomnamc; lcddarpc bvrduglok a:yc kama:nc vsvngc, lcnyikopc sinnc, appvrcm busa:nammc;