LU:KKC 7:7 - ANU LUGOD N. T. (BSI)

⁷ cdcmpilangvng gno nokkolo:pc gvpcnc cmna mc:sumang. Ckvdaggom agomdcm lutei, odokkc ngok pagbodcm csa:moteikupcn.

LU:KKC 7:7 Iomraidhean Croise

MARKKC 1:27

Odokkc bulu appv:dc mc:la mcngapla:tomang, cdcmpila buluk arangv:lo ayv ayvkvdv:dc agom tadka:mvnsuto, scmpc lula, “Sc okkoncv? Anupc luyirnamko! Kemotangkokki Bv aisi:ma:nc uikvdv:dcmsinci lulvgcm ludag, odokkc bulu taddag.”

LU:KKC 4:36

Odokkc bulu appv:dc ka:la kangaksukang odokkc akonc akoncm luka:mvnsuto, “Kapinc agomcncm sc? Kapila:nc Bv ilang gvlangki odokkc migangki aima:nc Yalokvdv:dcm lutoncm, odokkc cdcbulu gvlenamkang.”

LU:KKC 5:13

Odokkc Bvk alagcm laglento, odokkc bvm ri:yitto, scmpc lula, “Ngo mc:dag narcngtoka.” Odokkc oddung bvk ngero ro:namdc aikangku.

LU:KKC 7:6

Odokkc Jisubv buluk lcdulo gvmvnkang. Bv okumdo:pc pvngangarma:dado, mimag monc lvngkolok mogcboncdc Bvkkolo:pc ajonko mclvgto, scmpc bvm lula, “Ru:tuma, no avyc ngasotngayotyok, kapila:nc ngo ngok okum ara:so:pc nom gva:mola:mang;

LU:KKC 7:8

Kapila:nc ngo amikc ilang gvla:ncdok kcvglo du:nc tani:ko, ngok kcvglo mimag monnc dung odokkc ngo akoncm ‘Gvkang,’ cmna lumvlo bv gvdag; odokkc akoda, ‘Gva:tok,’ cmmvlo bv gva:dag; odokkc pagbodcm, ‘Scm itok,’ cmycmvlo odo bv cdcm idag.”