LU:KKC 6:23 - ANU LUGOD N. T. (BSI)

²³ Odo longcdo yvrra mc:pola so:langka, odokkc mc:pola sumgo:langka, kapila:nc ka:toka, nok amanc taycngamo:to bojcru:ycku; kapila:nc buluk abukvdv:dc cdcmv:pc agom lungornckvdv:dcm ika.

LU:KKC 6:23 Iomraidhean Croise

METIU 5:12

Mc:polangka odokkc mc:yumsutoka, kapila:nc taycng amo:tc noluk amanc bojcrungko dung. Kapila:nc cdcmv:pc tani:kvdv:dc agom lungorla lunckvdv:dcm ipusire:la ika noluk po:pcbong.

LU:KKC 1:41

Odokkc Elijabetbv Meri:kc kumrvgsunamdcm tadbegnammci, bvk aki:ara:bok ko:dc sumcsumkurkang;

LU:KKC 1:44

Kapila:nc kangkvtoka, nok kumrvgsumamdok gomugdcm ngok yeru:so tadbegnammci, ngok aki:ara:bok ko:bc mc:pola sumc-sumkurkang.

LU:KKC 6:35

Cmpige:la noluk mirukvdv:dcm aipc mc:langka, odokkc ainc agercm gerrangka, odokkc murkongcm bipo:langka, okkomsin pa:latkupc cmna mc:ma:pc; odokkc noluk amanc bojcru:yc, odokkc Appvng Udbo:ya:pc Du:ncdok omma:pc iyc; kapila:nc ainc agerko ibincdcm mcngkinma:ncdcmlang avwongkcpc mc:suncdcm ayangabodag.

AGER KVDVNG 14:10

“Darobtok nok alcdokki dagrasula.” Odo bv sumrobkang odokkc lambc gvgongkang.

AGER KVDVNG 3:8

Odokkc bv sumrobla darobkang odokkc lambcm gvla kumko okumdo buluk lcdulo gvangkang, gva:la sumna: sumna odokkc Ru:ncpvncmc aipai cmnang cmna.

AGER KVDVNG 5:41

Odo bulum amindok lcgangc mcnggcsaggcma:nam pa:pcnc kvtc:nam lcgangc mc:po mc:pola kcba:dokkc gvkangku.

ROMANKVDVNG 5:3

Cdcmpcyamsin, ngolu ngolum ipusire:kvdv:do mc:pomola:do, ipusire: pa:dolo:sin mentumsula:nam tornamcm lenmodag cmna kinna:yam,

2 KORINTIANGKVDVNG 12:10

Kristokc lcgangc, ngo aima:pc ila:ma:namcbulu dung, luka:nammc, torpc ipusire:nammc odokkc dungkoycko kama:nam pcsonammc; kapila:nc cdvlo ngo ilanggvla:ma:nc oddoi ngo kvnggv:dag.

KOLOSIANG 1:24

Su:pak ngok ipusire: pa:namlo ngo noluk lcgangc mc:pobadusudo, odokkc ngok adinno ngo Kristokc du:g gvnamdo okodc pv:ramdoji pv:modo Bvk amvrdok lcgangc,

2 TIMOTI 2:12

jodi ngolu oijoto, ngolusin Bvk lcdulo migomcm domvnyc; jodi ngolu Bvm lupaksuyc, Bv:sin ngolum lupaksuyc;

HIBRIUKVDVNG 11:26

Bv Kristokc lcgangc ipusire:pa:nam-gvnamdcm Igiptolok mitc-mircmdcmyam bottcya:nc mitcmircmpc mcngkang, kapcnc bv amandcm kanggcla ka:to.

HIBRIUKVDVNG 11:6

Odokkc mc:jvgkama:pc Bvm mc:lvgsumopc mc:lvgsumola:mang. Kapcnc sc:kobvi Ru:ncpvnckc kcra:pc gva:ycnc mc:jvgru:pa:yc jc Bv dung sc:kobulu Bvm madagji.

JAKOB 1:2

Cdcm appv:dcm mc:pobatsunampc mc:toka, ngokkc bvrrangkvdvnga cdvlo nolu angu angu ipuseire:ycm pa:ycji,

1 PITOR 4:13

Cmpige:la su:paklo:pc nolu Kristokc du:g gvnamdcm gvmvnna du:g gvnamdcm mc:pobatsutoka, jen nolusin Bv cdvlo lenyckunc odo mc:pobatsuycpc odokkc mc:poycpc.

LUNGOR LUNAM 2:17

“Sckkc yerungc du:ji, bvm tadmotoka okodcm Yalodc mondoli:kvdv:do ludagji Bvkkolo:pc sc:kobv mopvycji ngo lc:sula lc:nam manna:dcm biyc, odokkc ngo bvm kamponc vlvngcm biyc, vlv:do anu amin annamko okodcm sc:ko pa:ycji bv:ma:mvlo sc:kosin kinma:yc.

LUNGOR LUNAM 2:26

Sc:kobv mopvycji odokkc sc:kobv ngok agercm du:tcrdo:pc gerycnc, ngo bvm angu opvnkvdv:dcm mopvla:nanc tornamcm biyc,

LUNGOR LUNAM 2:7

“Sc:kokc yerungc du:ji, bvm tadmotoka okodcm Yalodc mondoli:kvdv:dcm ludagji. “Sc:kobv mopvdagji ngo bvkkcpc turnamdok vsvnga:ycdcm biyc, okodc Ru:ncpvnckc taycng among ba:ri:do du:ji.

LUNGOR LUNAM 21:7

Sc:kobv mopvycnc bvkkc sc pangkonsunamscm pa:mvnyc, odokkc Ngo Bvk Ru:ncpvncpc odokkc bv ngok awopc badyc.

LUNGOR LUNAM 3:12

Sc:kobv mopvycji, ngo bvm ngok Ru:ncpvnckc kumko okumdok kuntapc moyc; cdvlosin bv odokkc gvlenkuma:yc, odokkc ngo bvkkolo ngok Ru:ncpvnckc amincm adlvgyc, odokkc ngok Ru:ncpvnckc nogordok amindcm, cdc anu Jerusalemdcm okodc ngok Ru:ncpvnckc taycng amongtokkc gvidagji, odokkc ngok avkc amincm.

LUNGOR LUNAM 3:5

Sc:kobv mopvycnc kampopc attarcm gcyc, odokkc ngo bvk amincm turnc kvdv:dok potindokkcm notpakma:yc; ngo bvk amincm ngok Abukc kcra:do odokkc bvk taycng among lutad lunckvdv:do lukanbiycku.