LU:KKC 6:22 - ANU LUGOD N. T. (BSI)

²² “Tani:kvdv:dc cdvlo nolum tayumycji nolu gernc-pu:nc, odokkc bulu cdvlo nolum angupc du:moycji odokkc nolum aima:pc luycji, odokkc nolum amincm aisi:ma:nc cmna minycji, Tani:kc Awodok lcgangc!

LU:KKC 6:22 Iomraidhean Croise

METIU 10:18

Odokkc ngok lcgangc bulu nolum amo:ru:tumkvdv:do:pc odokkc buluk migomkvdv:do:pc soa:bomyc, buluk kcra:lo odokkc angu tani:kvdv:dok kcra:lo lubisudopc.

METIU 10:22

Odokkc nolum ngok amin lcgangc tayumyc. Ckvdaggom sc:kobv du:tcrdo:pc du:jcmna du:ycnc bvm moturyc.

METIU 10:39

Sc:kobv turnamdcm pa:dagnc bv cdcm yogmoyc, odokkc sc:kobv ngok lcgangc turnamcm yogmoycnc bv cdcm pa:yc.

LU:KKC 20:15

Odokkc bulu bvm angur arvgdokkcm crrennvgto odokkc moketo. Angur arvgdok ru:tumdc okkom bulum iycsong?

LU:KKC 21:17

noluk appvngcm ngok amin lcgangc tayumyc.

LU:KKC 6:21

“Su:pak kcno:nckvdv:dc gernc-pu:nc, kapila:nc nolu dotv:tv:tv:ycku. Su:pak kabnckvdv:dc gernc-pu:nc, kapila:nc nolu yvrycku.

JO:N 12:42

Cdcmpc idag imanggom bojcrungc migom donckvdvngc Bvm mc:jvgto, ckvdaggom Parisi:kvdv:dcm pcsola bulum cdcm lukansutomang, ckvma:mvlo bulu kumko okum okumkvdv:dokkcm mcnnennvgpckc cmna!

JO:N 16:2

Bulu nolum kumko okumnokkcm mcnnenlvgyc; ncrkvgpc, ayirdc pvnga:du:bong cdvlo sc:kobv nolum mokeycnc bv Ru:ncpvncmc agerko gerbidung cmna mc:yc.

JO:N 17:14

Ngo bulum nok agomcm bitobong; odokkc rcngamso bulum tayumto lcga:dc bulu mo:pvsokkcpc imangga:lok, ngo:sinci rcngamsokkcpc imangkammcmpc.

JO:N 7:7

Mo:pvsc nolum tayumla:mang, cmpige:la sidc ngom tayumdag kapila:nc ngo sok agomcm lukanbidung jc sok agerkvdv:dc aimang.

JO:N 9:34

Bulu bvm lubito, “No papi:loksin papi:pc onamc, odokkc noi ngolum luyirpcnncn?” Odokkc bulu bvm nv:lenlvgto.

AGER KVDVNG 22:22

Cddvlo:pc bulu bvk agomdcm tadmi:la tadto; odokkc bulu buluk alvgncm bc:dopc jc:sangkang, “Sc mo:pvsokkc cdcmpinc tani:dcm la:paktoka! Kapila:nc bv turra du:pa:mang.”

AGER KVDVNG 24:5

Kapila:nc ngolu sc tani:scm ya:bc-bclc:la yanga:nc kinamcmpc pa:to, Jiwu appv:lo imoncko mo:pvsok appv:lo, odokkc Najarene kcra:dok gvgcpo:ncdc.

AGER KVDVNG 9:16

kapila:nc ngok lcgangc bv cddvkopc ipusire:ycm pa:pcnammcji bvm lcngkanyc.”

JAKOB 1:12

Ipusire:ycm menrasula du:nctani:dc akirba:d pa:nc, kapcnc cdvlo bv ankang kangkvnamdcm dagrasutonc bv turnamdok migom dumlupdcm sc:kobulu Bvm aipc mc:dagji okodcm Ru:ncpvncbv pesubitoji pa:yc.

1 PITOR 3:14

Cmpige:la jodi nolu dormokanam lcgangc geryc, nolu akirba:d pa:ncpc iyc. Nolu bulum pcsola kcngcrcjayok, cdcmanggom mc:dvrmc:so:la ogo:suyok,