LU:KKC 6:13 - ANU LUGOD N. T. (BSI)

¹³ Odokkc longckunamc, Bvk agom tadjvgla gvmvnnc tani:kvdv:dcm Bv gokkumsuto, odokkc bulukkolok vyingkolang anyiko balento, sc:kobulum Bv mclvgnam lutad lugo:nc cmna amin minnvgtoji;

LU:KKC 6:13 Iomraidhean Croise

METIU 10:2

Vyvngkolang anyi agom tadjvgla gvmvnnc tani:kvdv:dok aminkvdv:dc scmpc: minsa:po:pc, Simon, sc:kom Pitorcmna gogdonc, odokkc Andriwubv bvk bvrodc, Jakobbv Jebidi:kc awodc, odokkc Jo:nbv bvk bvrodc; Pilipbv odokkc Bartolmeubv;

METIU 19:28

Jisubv odo bulum lubito, “Aroru:pc, ngo nolum lubidung, anu mo:pvdo, cdvlo tani:kc Awodc Bvk amin gvnc migom dungkodo du:ycnc nolu sc:kobulu ngok lcdu lcdulo gvmvnnc kvdv:dc:sin vyvngkolang anyilok tedkolo tedmvnycku, Israeldok vyvngkolang anyi opvndok kcbangcm ba:langkula.

METIU 9:36

Cdvlo Bv yadkumsunc tani:kvdv:dcm ka:begtonc, Bvkkc buluk lcgangc airu:pc aya:pc mc:bikang, kapila:nc bulu mc:dvrra odokkc okolo:sin gvrasukko kamangai, ka:dapnc kama:nc me:r sobenkcrcngcmpc.

MARKKC 6:30

Agom tadjvgla gvmvnnc tani:kvdv:dc Jisukolo:pc gvlattoku, odokkc buluk inam appv:dcmlang luyirnamkvdv:dcm Bvm lubitoku.

MARKKC 6:7

Odokkc Bv vyvngkolang anyidcm Bvkkolo:pc gogto, odokkc bulum anyi anyipc mclvgrobbomkang, odokkc bulum aima:nc yalokvdv:dcm mcnpakla:dopc ilang-gvlangcm bito.

LU:KKC 11:49

Cmdcmpidag Ru:ncpvnckc Kinnc agomdc:sin ludag, ‘Ngo bulukkolo:pc lungor lunncmlang Ru:ncpvnckc ager gerdopc mclvgnam tani:kvdv:dcm mclvgyc, odokbuluk akedcm bulu mokeyc odokkc irvsinyom iyc.’

LU:KKC 22:30

migom doko mo:pvko, okolo nolusin dola:-tv:la:ycpc ngok tcbuldo ngok doko mo:pvdo, odokkc Israeldok vyvngkolang anyi opvndcm kcbangcm ba:ycku migom dungkodo tedge:la.

LU:KKC 6:14

Simon, sc:kom Bv Pitor cmna mintoji, odokkc Andriwubv bvk bvrodc, odokkc Jakoblang Jo:nbv, odokkc Pilipbv, Bartolmiwubv,

JO:N 4:33

Odo agom tadjvgla gvmvnnc tani:kvdv:dc akoncm akonc luka:mvnsuto, “Sc:koiyc Bvm donamcm boma:bitaganci?”

AGER KVDVNG 1:13

odokkc cdvlo bulu gva:tokuji, bulu taycngkc du:nc okum soyardo:pc gvsa:to, okolo bulu dunggaji, Pitorbv, Jo:nbv, Jakobbv odokkc Andriwubv, Piliplang Tomabv, Bartolmiwulang Matiubv, Jakobbv Alpaeukc awodc odokkc Simonbv Lckolakkoma:ncdc odokkc Jakobbv Juda:kc awodc.

IPESIANG KVDVNG 2:20

mclvgla ager germonam odokkc lungor lunckvdv:dok tayclo mosa:nammc, Kristo Jisubv avdci su:kdok vlv:pc ila:yam,

IPESIANG KVDVNG 4:11

Odokkc Bvk amankvdv:dc jc akke mclvgla ager gerncpc ipa:do, akke lungor luncpc, akke tadponc do:yv:dcm lubincpc, akke mondoli: kanggurncpc odokkc poyirncpc.

HIBRIUKVDVNG 3:1

Cdcmpidag, angunnc bvrrangkvdvnga, sc:kobulu taycng gognamcm tadmvndonc, Jisumc mc:toka, ngoluk lude:sunamlok ager gernamdc odokkc kumnam agerlok bottcnc.

2 PITOR 3:2

jc nolu angunnc lungor-lunckvdv:dok ro:yampokc do:yvng kvdv:dcm mc:pa:pcnamc odokkc Ru:tumclang Moturnckc lulvg agomkvdv:dcm noluk mclvgla ager gernc tani:kvdv:dokkcm.

LUNGOR LUNAM 12:1

Odokkc cmpcsin dungko ycko kama:pc inamdc lenkang, do:nyitokki attar gcnc nc:ngtani:konc, po:lodokki bvk alc kcvgbo, odokkc bvk tukkudo takar piryingkolang pirnyi kanc migom dumlupko;

LUNGOR LUNAM 18:20

“Bvk sinamlo mc:potoka, O: taycng amongkc kvdvnga, O: aipc kumnc tani:kvdvng mclvgla ager germonamkvdvng odokkc lungor lunckvdvng, kapcnc Ru:ncpvncbv kcbang ba:namcm nok lcgang bvk birudi:pc bitung!”

LUNGOR LUNAM 21:14

Odokkc nogordok bare:dc mogablvgnamc vyvngkolang anyiko dungai, odokkc odobulu Awome:r sobendok vyvngkolang anyi mclvgla ager germonam kvdv:dok amincm adlvgtungai.