LU:KKC 6:12 - ANU LUGOD N. T. (BSI)

¹² Odo ayirdo Bv kumpc cmna adi:pc gvkang; odokkc Ru:ncpvncmc yumc yumbu:do kumto.

LU:KKC 6:12 Iomraidhean Croise

METIU 5:1

Yadkumsunc tani:kvdv:dcm ka:la, Bv adi: tayc:do:pc re:sa:to, odokkc Bv teda:nammc Bvk agom tadjvgla gvmvnnc tani: kvdv:dc Bvkkodo:pc gva:to.

METIU 6:6

Cmpige:la cdvlo nolu kumdonc, noluk soyarlo:pc gva:lang odokkc yabgom mokapsulang odokkc noluk Abudcm kumnang sc:kobv kinmango:pc du:dagnc; odokkc noluk Abubv kinmango:pc ka:ncdc nolum amancm biycpc.

MARKKC 1:35

Odokkc ro:dcm, pvang pvma:dapcbong, Bv darobto odokkc okkosin kamangko ronggamo:nc amongkolo:ppc gvto, odokkc odo Bv kumto.

MARKKC 3:13

Odokkc Bv adi:talc:pc re:sangkang, odokkc sc:kobulum Bv mc:tonc Bvkkolo:pc goga:to; odokkc bulu Bvkkolo:pc gva:to.

MARKKC 6:46

Odokkc Bv bulukkolokkc mcpansuge:la, Bv adi:do:pc kumkapc re:sangkang.

LU:KKC 5:16

Ckvdaggom Bv yumra:pc gvpakkang odokkc kumto.

LU:KKC 6:11

Cmpige:la bulu aglvngc okopci ikang odokkc bulu Jisumc o:ko ila:ycji cmna bulu bulu agom luposuto.

LU:KKC 6:17

Odokkc Bv buluk lcdulo gvige:kula omannc among mo:di:kolo dagkang, Bvk bottcru:nc mclvgla ager germonam tani:kvdv:dok lckopc odokkc Judia odokkc Jerusalem odokkc siycng asi Ti:rclang Sidon ru:yikvd:dokkc bottaru:pc yadkumsunc tani:yc Bvk agom tadkapc gvto odokkc buluk kinamkvdv:dokkc csangamokakupc gvto;

LU:KKC 9:18

Longckoncm cdcmpc ika:nc jc Bv atcrc kumna du:dom agom tadjvgla gvmvnnc kvdv:dc Bvk lcdulo du:mvndungai; odokkc Bv bulum tawuto, “Ngo sc:kobv cmna tani:kvdv:dc ludang?”

LU:KKC 9:28

Cdcmpc pi:nyi longcdok lcdulo cdcmbulum luge:la Bvk lcdulo Pitormclang Jo:nmc odokkc Jakobmc Bv gvbola adi:pc kumkapc gvkang.

LU:KKC 9:29

Odokkc Bv kumna du:namc, Bvk ka:pa:nam dumsimigmodc angukangai, odokkc Bvk gcnam attarkvdv:dc kampotiti:pc unjvgkangai.

JO:N 6:3

Jisubv adi: talc:pc re:sangkang, odokkc odo Bvk agom tadjvgla gvmvnnc kdv:dokki lckopc tedbosuto.

KOLOSIANG 4:2

Mcmangke:ke:pc kumtvla du:langka, aipai binamdcm bitvla;

HIBRIUKVDVNG 5:7

Bvk adinamvrki inamdok lcdudo, Jisubv kumnamclang amikc lcgang bottcru:pc kabla odokkc miksi dvla kumnamcm kumka, Bvm sc:kobv Bvm sikolokkc motula:dagaji, odokkc Bvm Bvk dormokanam pcsokokki taddungai.