LU:KKC 5:26 - ANU LUGOD N. T. (BSI)

²⁶ Odokkc bulu appv:dc ka:la kangaksumoto, odokkc bulu Ru:ncpvncmc aipai cmto odokkc pcsokang, scmpc lula, “Ngolu silo tadkv-kangkvma:nam agerko ka:to.”

LU:KKC 5:26 Iomraidhean Croise

METIU 12:23

Odokkc tani: appv:dc mc:lamcngapla:tomang, odokkc luto, “Sc Dawidkc Awopc ila:dolang?”

METIU 28:8

Cdcmpila bulu lomdanna gvkangku agodokkc pcsola odokkc airu:pc mc:pola, odokkc Bvk agom tadjvgla gvmvnnc tani:kvdv:dcm lubikakupc dugla gvkangku.

METIU 9:8

Cdc yadkumsunc tani:kvdv:dc cdcm kangge:la pcssamkang, odokkc bulu Ru:ncpvncmc amincm gvbu:moto, sc:kobv tani:kvdv:dcm cdcmpc ila:nammcm bitu:nc.

MARKKC 2:12

Odokkc bv durobkang, odokkc lomdanna kcdnanc asubdcm la:sa:to odokkc buluk appvngkc kangku:do gvlenna gvkangku; bulu appv:dc kcngcrcjala dungkang odokkc Ru:ncpvncmc airu:nc cmto, scmpc lula, “Ngolu cdvlosin okkomsin cdcmpinncm kangkvmang!”

LU:KKC 1:65

Odokkc cdc appv:dok agomcm Judiang adi: among do:lungkvdv:do kvtagsukang;

LU:KKC 5:8

Cmpige:la Pitorbv cdvlo cdcm ka:toji, bv Jisukc kcra:do owa:to, scmpc lula, “Ngokkosokkc gvpakkangka, kapila:nc ngo pa:pkanc tani:yc, O: Ru:tum.”

LU:KKC 7:16

Odo appvngc pcssamkang; odokkc bulu Ru:ncpvncmc aipai cmto, scmpc lula, “Bottcru:nc lungorluncko ngoluk ara:so lenkang!” Odokkc “Ru:ncpvncbv Bvk tani:kvdv:dcm kangkapc gvito!”

LU:KKC 8:37

Odo Gerasenedo dungo:ycgong do:lungkvdv:dok tani:kvdv:dc Bvm bulukkolokkc gvpakkangkuka cmna luto; kapila:nc bulu kvnggv:pc pcssamkang; cmpige:la Bv ollu:do a:toku odokkc gvlattoku.

AGER KVDVNG 4:21

Odokkc bulu lckoda bulum morvdge:la bulum bulu mclvgtoku, bulum oko dcmpcmopcnam lcgangcmsin tani:kvdv:dok lcgangc pa:ma:la; kapila:nc tani: appv:dc Ru:ncpvncmc aipai bito kapc ika:ji odok lcgangc.

GALATIANG KVDVNG 1:24

Odokkc bulu Ru:ncpvncmc amincm gvmoto ngokkokki.