25 Odokkc oddung bv buluk kangku:do durobkang, odokkc bv okolo kcdla dungaji cdcm la:sa:to, odokkc okumpc gvkangku, Ru:ncpvncmc aipai cmna.
Cdc yadkumsunc tani:kvdv:dc cdcm kangge:la pcssamkang, odokkc bulu Ru:ncpvncmc amincm gvbu:moto, sc:kobv tani:kvdv:dcm cdcmpc ila:nammcm bitu:nc.
Odokkc bv durobkang, odokkc lomdanna kcdnanc asubdcm la:sa:to odokkc buluk appvngkc kangku:do gvlenna gvkangku; bulu appv:dc kcngcrcjala dungkang odokkc Ru:ncpvncmc airu:nc cmto, scmpc lula, “Ngolu cdvlosin okkomsin cdcmpinncm kangkvmang!”
Odokkc Bv bvm alagcm ri:yidto, odokkc oddung bvm vgcmna dagtu:motoku, odokkc bv Ru:ncpvncmc aipai cmto.
Odokkc vgcmpc bv ka:begkangku odokkc Bvk lcdu lcdulo gvmvnkang, Ru:ncpvncmc ainc cmnang cmna; odokkc tani:appv:dc cdcm kangge:la, Ru:ncpvncmc aipai cmto.
Odokkc Bvk alagcm laglento, odokkc bvm ri:yitto, scmpc lula, “Ngo mc:dag narcngtoka.” Odokkc oddung bvk ngero ro:namdc aikangku.
Cdcmpila lckoda bulu miglunc tani:dcm gogto, odokkc bvm luto, “Ru:ncpvncmc aipai cmtok; ngolu kindag jc sc tani:sc pa:pkannc.”