LU:KKC 5:21 - ANU LUGOD N. T. (BSI)

²¹ Odokkc ainc agom luyirnckvdv:dc odokkc Parisi:kvdv:dc tawunam agomcm tadrobbomkang, scmpc lula, “Sc sc:kobv:ncm Ru:ncpncmc aima:ng cmna luncsc? Ru:ncpvnc bv:ma:mvlo sc:kobv pa:bcm mc:yinsula:dang?”

LU:KKC 5:21 Iomraidhean Croise

METIU 26:65

Odo dormo ager gernclok bottaru:ncdc bvk gcnam attardcm bupetsuto, odokkc luto, “Bv Ru:ncpvncmc aima:nc cmna luto, kapcila ngolu su:paksin lukan bincko lagidang? Nolu Bvk aimang cmnamscm tattobong su:pak.

METIU 9:3

Odokkc ka:tok, ainc agom luyirnckvdv:dc av avc lusuto, “Sc tani:sc Ru:ncpvncmc aimang cmna ludung.”

LU:KKC 3:8

Asinc mc:dvrra mc:latsulangkula e:pcnam a:ycm e:toka, odokkc nolu av avyc lusurobyoka, ‘Ngolu:kkc Abrahambv ngoluk abbo dung’; kapila:nc ngo nolum lubidung Ru:ncpvncbv sc vlvngkvdv:sokkcm Abrahamkcpc ommangcm lenmola:dag.

LU:KKC 5:17

Odokkc longckoncm, Bv luyirra du:dom, Parisi: kvdvngclang lujvgla lunamdok luyirnc kvdvngc kcra:do tedla dungai, sc:kobulu Galildok appvng do:lungkvdv:dokkc odokkc Judia:dokkc odokkc Jerusalemdokkc gvkaji; odokkc Ru:tumkc ilang-gvlangc csa:modokupc Bvk lcdulo dungai.

LU:KKC 5:22

Jisubv cdvlo buluk tawunam agomkvdv:dcm kintoji, Bv bulum tawuto, “Noluk asinkvdv:do kapila nolu agomcm mcnggo:dang?

LU:KKC 7:49

Odo sc:kobulu tcbuldo dungaji Bvk lcdulo, buluk buluk ara:lo luka:mvnsurobkang, “Sc sc:kobvn, pa:bcmsin mc:yinsunckon?”

JO:N 10:33

Jiwkvdv:dc Bvm luto, “Nom ainc ager gernam lcgangc vlvngki crmang cmpige:la lugc-gcnam lcgangcmvn; kapila:nc no, tani:tu:layam, avdc Ru:ncpvncpc lusudag.”

ROMANKVDVNG 8:33

Sc:kobv atv lujckko lua:la:ycn Ru:ncpvnckc mc:la balennamdok birudi:pc?