LU:KKC 5:1 - ANU LUGOD N. T. (BSI)

¹ Ru:ncpvnckc agomcm tadpc cmna tani:kvdv:dc Bvm nv:rumbomnamc, Bv Genesaret siycng bottcnc pa:tang ru:yido dagla dungai.

LU:KKC 5:1 Iomraidhean Croise

METIU 11:12

Jo:n Baptismo binckc longckvdv:dokkc silolo:pc taycng among migom amo:dc ipusire:ycm pa:dung, odokc ipusire:ycm inc tani:kvdv:dc bo:lkokki cdcm la:dag.

METIU 14:34

Odokkc bulu cdvlo kongkotoji, bulu Gennesaret mo:di:p pv:to.

MARKKC 3:9

Odokkc Bvk agom tadjvgla gvmvnnc tani:kvdv:dcm ollungko mosv:dopc tani:kvdv:dok lcgangc luto, ckvma:mvlo Bvm bulu nv:rumbomyc;

MARKKC 4:1

Lckoda siycng asi ru:yido luyirrobbomkang. Odokkc Bvk dungkodo bottcru:nc tani:kcrcngko yadkumsukang, cdcmpc ika:nc Bv ollungkolo angkang odokkc odo tedtungkang siycng ara:do ollungkolo a:la; odokkc tani: kcrcng appv:dc siycng ru:yido amo:do dungkang.

MARKKC 5:24

Odokkc Bv bvk lcdulo gvmvnkang. Odokkc bojcrungko yadkumsunc tani:yc bvk lcdulo gvmvnna kcra:do nv:rumbomkang.

MARKKC 6:53

Odokkc cdvlo bulu kongko:tonc, bulu Gennesaret amo:do:pc pv:tonc, odokkc ru:yido:pc konga:to.

LU:KKC 12:1

Odo cdcmpc idodcmci, cddv lvngkokojc: tani:yc yadkumsuka:nc jc bulu akonc akoncm sa:tupsa:somvnsukang, Bvk agom tadjvgla gvmvnnc tani:kvdv:dcm lusa:danna Bv lurobbomkang, Parisi:kvdv:dok komira:dcm ansulangka, okodc lc:sula aima:pc ager inamgvnamcji.

LU:KKC 5:2

Odokkc Bv ollung so:nyiko siycng bottcnc pa:tang ru:yido ka:begto; cmpige:la ongo sogabnc tani:kvdv:dc odokkc gvlenamla buluk csabkvdv:dcm nvla dungai.

LU:KKC 8:22

Longckoncm Bv ollung arangkolo Bvk agom tadjvgla gvmvnnc tani:kvdv:dokki lckopc a:to, odokkc Bv bulum luto, “Kajc siycng pa:tang kekonpc kongko:la gvkai.” Cdcmpila ko:robbomkang, odokkc bulu ko:la gvdodcm Bv yummi:la yubkang.

LU:KKC 8:23

Odokkc siycng pa:ta:do bottcnc csarko sarsangkang, odokkc bulu assc kaga:bomla airu:pc pcsopcnampc ikang.

LU:KKC 8:33

Odo cdc uikvdv:dc cdc tani:dokkc gvlenamkang odokkc e:gkvdv:do gvangamkang, odokkc cdc kcrc:dc siycng pa:ta:dok owudnc ragodo:pc dugamla dugbologamsula singapkang.

LU:KKC 8:45

Odo Jisubv luto, “Sc:kan cdc ngom gakkvncdc?” Cdcm appv:dc lupaksunamc, Pitorbv luto, “Ru:tuma, yadkumsunc tani:kcrc:dc nom appv:lokkc yadlupbomdung odokkc nom nv:rumbomdung!”

JO:N 1:40

Jo:nkc agom lunamdcm tadnc anyidok akonc, odokkc bvk lcdulo gvmvnnclok, Andriubvai, Simon Pitorkc bvrodc.

JO:N 6:1

Odok lcdupc Jisubv Galil siycng asidok kekondo:pc gvkongka okodc Tiberiang siycnga:ji.

HIBRIUKVDVNG 13:7

Noluk gvgurla gvgcbonc kvdv:dcm mc:pa:langka, cdc sc:kobulu nolum Ru:ncpvnckc agomcm lubitoji; Buluk turnamkvdv:dokki kapc ikaji cdcm ka:langka, odokkc buluk mc:jvgkvdv:dcm mc:jvgkaimvnsulang.