LU:KKC 4:21 - ANU LUGOD N. T. (BSI)

²¹ Odokkc Bv bulum lurobbomkang, “Silo noluk tadde:pc astrong agomdc lukamdcmpci ikang.”

LU:KKC 4:21 Iomraidhean Croise

METIU 13:14

Bulukkolo aropakpc okod cm Isaia:bv luno:la lutagnc cdcmpc ikang: ‘Nolu aropakpc tadyc ckvdaggom cdvlosin tadkinma:yc, odokkc nolu aropakpc ka:yc ckvdaggom cdvlosin mcngkinma:yc,

LU:KKC 4:20

Odokkc potindcm Bv tamsuptoku, odokkc cdcm igur gvgurnckvdv:dcm bitoku, odokkc tedtu:to; odokkc kumko okumdok du:nc appv:dc Bvggongkolo:pc ka:takkang.

LU:KKC 4:22

Odokkc Bvm appvngc aidag cmna lukang, odokkc Bvk nappa:dokkc lennc agomkvdv:dcm tadla tadngagamsukang; odokkc bulu luto, “Sc Josepkc awodc:ma:lang?”

JO:N 5:39

Nolu Ru:nckc agom jvggabdcm madag, kapila:nc nolu mc:dag jc odobulu nolukkc turyarla turnamdc dung cmna; odokkc cdcbuluna jc ngom lukan lubinckvdv:dc.

AGER KVDVNG 3:18

Cmpige:la Ru:ncpvncbv okodcm nappangki lutonc appvng lungornc tani:kvdv:dok agomcm, jc Bvk Kristobv mogvtmomatdcm mopvnammc pa:pcnammc, Bv cdcm lukamdcmpc imoto.