LU:KKC 4:18 - ANU LUGOD N. T. (BSI)

¹⁸ “Ru:tumkc Yalodc ngokkolo dung, kapila:nc Bv ngom opannckvdv:dcm tadponc do:yv:dcm lutaddopc vrtung. Bv ngom makana:lo lvgla lc:namkvdv:dcm mclvgkunamcm odokkc miglunckdv:dcm ka:begkunamcm lutaddopc ngom mclvgtag, sc:kobulum nv:jcmna lc:tagnc bulum motudokupc,

LU:KKC 4:18 Iomraidhean Croise

METIU 11:5

miglunckvdv:dc ka:begdungku odokkc lambcgvla:ma:pc ngedgo:nckvdv:dc gvla:dungku, ngero:-ro:namkvdv:dc narcngkangku odokkc ru:benckvdv:dc tadbegamkangku, sinckvdv:dcm turabmodungku, odokkc opankvdv:dcm tadponc lutaddcm lubidung.

METIU 12:18

“Ka:toka, ngok ager gerya:ncdcm sc:kom ngo malentonc, ngok aipc mc:bomsunamdcm sckkolo ngok yalosc aipc mc:lvgsudagnc. Ngo ngok yallom bvkkolo mca:lvgyc, odokkc bv Angutani: ope:kvdv:dcm arokcbangagomcm lutadbiyc.

METIU 12:20

Odokkc Bvk aminno Angu tani: ope:kvdv:dok mc:tincm mc:ma:sisscm Bv dcmpornam dorbumcm tvrsotma:yc cdcmanggom mikki yv:la du:nc saki:ycm momitma:yc,

METIU 4:16

Oko tani:kvdv:dc kcmolo tedla dunganc bottaru:nc pvangko ka:begto, Odokkc sc:kobulu sinckvdv:dok amo:lo odokkc siko ugyumlo tedla dunganc, pvangc pvkang.

METIU 5:3

“Asinbo opanc cmna mc:sunckvdv:dc aipc luitpcnamc, kapila:nc Ru:ncpvnckc dungko taycngamo:dc bulukkc.

LU:KKC 4:17

Odokkc Bv popc cmna dagrobkang; odokkc scmpc adnamdcm pa:to,

LU:KKC 6:20

Odokkc Bvk agom tadjvgla gvmvnnc tani:kvdv:dcm Bv bcrsa:la kangge:la luto: “Opankvdv:dc gernc-pu:nc, kapila:nc Ru:ncpvnckc migom doko mo:pvdc nolu:kkc.

LU:KKC 7:22

Odokkc Bv bulum lubito, “Gvlangkula Jo:nmc lubita:kuk nolu oko okkom ka:begtonc odokkc tadbegtonc: miglunc kvdvngc ka:begamtoku, lambc gvla:ma:nc kvdvngc lambcm gvlangamkangku, ngero:ro:namkvdvngcm narcngammotoku, odokkc ru:benckvdv:dc tadbegamkangku, sinckvdv:dcm turmotungku, opankvdv:dcm tadponc lutadcm bulum lubidung.

JO:N 1:41

Bvk bvro Simonarmc pa:po:to, odokkc bvm luto, “Ngolu Messaia:dcm pa:to” (okodc Kristocmdagji)

JO:N 12:46

Ngo pva:pc ila mo:pvso:pc gvdung, jc sc:kobvi ngom mc:jvgycnc bv:jen kcmolo du:tvpc ima:yc.

JO:N 3:34

Kapila:nc sc:kobvm Ru:ncpvncbv mclvgtagnc Ru:ncpvnckc lcgangc agom kvdv:dcm ludag, kapila:nc Bv kvla Yalodcm bimang;

AGER KVDVNG 10:38

kapc Najaretdok Jisumc vrtoji Angunnc Yalodokki odokkc ilang-gvlangkokki; kapc gvgongkaji ainc ager gergo:la odokkc csa:molangkula uipa:nam appv:dcm, kapila:nc Ru:ncpvncbv bvk lcdulo dunggai.

AGER KVDVNG 26:18

jc bulu kcmolokkc pva:lo:pc gvdopc odokkc Satandok ilanggvla:dokkc Ru:ncpvnckc ilanggvla:do:pc gvlatdokupc, jc bulu pa:plok mc:yinsunamcm pa:dopc odokkc ngom mc:jvgnc kvdv:dok dungkodo pa:dopc.’

AGER KVDVNG 4:26

Mo:pvsok migomkvdv:dc attarkvdv:dcm bulu av avkvdv:dc aiyo: aiyo:pc tvkumsula lc:tung, odokkc migom donckvdv:dcm lckopc langkumamsuto; Ru:tumdok birudi:pc odokkc Bvk vrnamdok birudi:pc.’

AGER KVDVNG 4:27

“Kapila:nc aropakpc sc nogorso nok ager gerya:nc Jisukc agom birudi:pc yadkumsukang, sc:kom no vrtungaji, Herodmclang Pontiudok Pilatmc anyipakdc, Ru:ncmc kinma:nc kvdv:dokki lckopc odokkc Israeldok tani:kvdv:dcm,

KOLOSIANG 1:13

Bv ngolum kcmodok mokomla du:namdokkc mopvto odokkc ngolum Bvk aipc mc:nam Awodok migom dokodo:pc mckonsulvgto,

JAKOB 2:5

Tattoka, ngok aipc mc:nam bvrrangkvdv:nga. Ru:ncpvncbv cdc sc:kobulu opandagnc Balenna mc:jvglo mircmdopc la:ma:lang odokkc migom doko amo:dok du:sonsuncpc sc:kobulu Bvm aipc mc:dagji okodcm cdcmbulum pesubitoji?

1 PITOR 2:9

Cmpige:la nolu balennam opvnko, migom dormoager gernclok bottcnc incpc, angunnc opvnko, Ru:ncpvnckc avkc tani:yc, jen nolu Bvk mcngapla:ma:nam ager gernam kvdv:dcm lutadbiycpc sc:kobv nolum Bvk ka:rvgsula:ma:nam pva:do:pc goglentoji.