LU:KKC 24:44 - ANU LUGOD N. T. (BSI)

⁴⁴ Odo Bv bulum luto, “Sc-bulu ngok agomkvdv:dc ngo nolum oko okodcm ludu:ji ngo noluk lcdulo du:mvndodo:bong, jc ngok agomcm Mose:kc lujvg lurodo odokkc lungor lunamkvdv:do odokkc ni:tomkvdv:do adkamdcmpc ingapru:pa:yc.”

LU:KKC 24:44 Iomraidhean Croise

METIU 1:22

Sc appv:sc Ru:tumbv lungor lunc kvdv:dcm okkom lutonc cdcmpc ikang:

METIU 16:21

Odo ayirdokkc Jisubv Bvk agom tadla gvmvnnc tani:kvdv:dcm Bv:jc Jerusalempc gvpc iyc odokkc abv:nc kinncpa:nc kvdv:dokkcm odokkc poyirnckvdv:dokkcm ipusire:ycm pa:pcnammc, odokkc mokeycpc, odokkc lowumlo turmoycku lcngkanrobomkang.

METIU 26:54

Ckvdaggom cdcmpc imvlo kapc Ru:ncpvnckc agom jvggabdc jvgkamdcmpc iycn, cdc cdcmarpc idopc?”

METIU 26:56

Ckvdaggom sc scmpc ikang, Ru:ncpvnckc agom lungornc kvdv:dok luyirnckvdv:dok lukampc iycpc cmna.” Odokkc agom tadjvgla gvmvnnc tani:kvdv:dc Bvm mcpakto odokkc dugsiamkang.

MARKKC 9:31

Kapila:nc Bvk agom tadjvgla gvmvnnc tani:kvdv:dcm Bv luyirra: dungai, bulum scmpc lula, “tani:kvdv:dok alaglo tani:kc Awodcm togc:lvgyc, odokkc bulu Bvm mokeyc; odokkc Bvm mokedag lcdudo, lowum longc lcdulo Bv turycku.”

LU:KKC 21:22

Kapila:nc cdcbulu palvg lvgnam longgc, adla lc:namdcmpc inamc.

LU:KKC 22:37

Kapila:nc ngo nolum lubidung jc sc ‘Odokkc Bvm dormo kama:nc kvdv:dok ara:lo kvtc:lvgto cmnamdc’; Ru:ncpvnckc agom jvggabsc ngokkolo lukamdcmpc ipci iycrung, kapila:nc ngok agomcm okodcm adtu:nc cdcm ngokkolo ipa:do.”

LU:KKC 24:46

odokkc bulum luto, “cdcmpila scmpc attak, jc Kristodc ipusire:ycm pa:pa:do odokkc lowum longcdo sikolokkc darobkupcnammc,

LU:KKC 9:22

“Tani:kc awodc bojcrungko ipusire:ycm pa:ycrung, odokkc abv:nc kvdv:dokki aima:nc cmna mcpakkosuyc odokkc dormo ager gernckvdv:dokkc ainc agom luyirnckvdv:dc, odokkc mokekosuyc, odokkc lowum longcdo sikolokkcm turmoycku.”

LU:KKC 9:44

Cmpige:la Bvk inam appv:dcm bulu kangagsula du:dodcm, Bvk agom tadjvgla gvmvnnc kvdv:dcm Bv luto, “Scm noluk yerungkvdv:do a:motoka; kapila:nc tani:kc Awodcm tani:kvdv:dok alagdo tolvgpcnamc.”

JO:N 3:14

Odokkc Mose:bv yumra:do tabvdcm darsa:to, cdcmv:pc tani:kc Awodcmsin la:sa:ru:pa:yc;

JO:N 5:39

Nolu Ru:nckc agom jvggabdcm madag, kapila:nc nolu mc:dag jc odobulu nolukkc turyarla turnamdc dung cmna; odokkc cdcbuluna jc ngom lukan lubinckvdv:dc.

JO:N 5:46

Nolu Mose:mc mc:jvgdagmvlo, nolu ngom mc:jvgya:pc, kapila:nc bv ngok gomugcm adka.

AGER KVDVNG 13:33

cdcm ngolum buluk ommangkvdv:dcm lukamdcmpc ibito Jisumc turmolangkula; odokkc akon ni:tomdo:sin cdcm adla lc:tag, ‘No ngok Aowo, silo nom ngo otobong.’

AGER KVDVNG 13:40

Ansutoka, cdcmpiga:lok, ckvma:mvlo nolukkolo:pc lungor lunamdc okko cmdang pvnga:yc:

AGER KVDVNG 2:27

Kapila:nc no ngok yallom uiamo:bo topakledma:yc, cdcmanggom nok Angunnc Akodcm aima:pc ager gernamkvdv:dcm ka:begmoteika.

AGER KVDVNG 3:18

Cmpige:la Ru:ncpvncbv okodcm nappangki lutonc appvng lungornc tani:kvdv:dok agomcm, jc Bvk Kristobv mogvtmomatdcm mopvnammc pa:pcnammc, Bv cdcm lukamdcmpc imoto.

AGER KVDVNG 7:37

Cdcna Mose:bv sc:ko Israelkvdv:dcm lukaji, ‘Ru:ncbv noluk lcga:pc lungorluncko la:lenycpc Bv kapc ngom lenmotoji.’

HIBRIUKVDVNG 10:1

Kapila:nc lujvg-lurodc yalomumkopc ila:yam ainc attarkvdv:dok sc arokvdv:sok ncrkvgkvdv:sok, cdc cdvlosin ila:mang, cdc c:mong palvgnamkvdv:dokki okodcm bulum bitvla dv:tak lcdulokkc dv:tak lcdulo:pc bidungaji, cdc sc:kobulu gva:dagji aiyo:pc aimodag.

HIBRIUKVDVNG 3:5

Su:pak Mose:bv Ru:ncpvnckc okumdo ager gerya:nckoncmpc mc:jvgdagai, lcdupc lupcnam attarkvdv:dcm,

HIBRIUKVDVNG 7:1

Sok lcgangc Melkijedekbv, Salemdok migomdc, Bottcru:nc Ru:ncpvnckc dormo ager gerncdc, Abrahammc rvgsuto migomkvdv:dok palvgla bikodokkc gvlatdokudo odokkc bvm akirba:dcm bito;

HIBRIUKVDVNG 9:8

Sokki Angunnc Yalodc lukanbbidag jc kumko mo:takdo:pc gvko lambcdcm moge:ma:da mo:rongkc tombudc du:tvla du:do appv:do (okodc silokc dv:tak kvdv:sokkcpc lcngkan kanggodcji.)

1 PITOR 1:11

bulu tadkukla tadka oko tani:yc cdcmanggom ayirdcm Kristokc Yalodokki lcngkanbikaji odokkc odok lcdudok amin gvnamdc.

LUNGOR LUNAM 19:10

Odo ngo Bvk alcdo owa:la Bvm kumpc cmna ito, cmpige:la bv ngom luto, “No cdcm ipcru:ma:namc! Ngo nok lcdulo ager gerjonko odokkc nok bvrrang kvdv:dokkc sc:kobulu Jisukc lukan lubinammcm lutvla du:ji. Ru:ncpvncmc kumtoka.” Kapcnc Jisukc lukan lubinamdc lungor lunamdok yalodc.