LU:KKC 21:8 - ANU LUGOD N. T. (BSI)

⁸ Odo Bv luto, “Nolumjen gvyodla gvbopckc ansutoka; kapila:nc bojcrungc ngok aminno scmpc lula: lula gvyc, ‘Ngo Bv!’ Odokkc ‘Ayirdc aninpc pvnga:dandu:bong!’ Buluk lcdulo gvyoka.

LU:KKC 21:8 Iomraidhean Croise

METIU 24:11

Odokkc bojcrungko Ru:nckc agomcm lume:pc lungornc lenna odokkc bojcrungko gvmurla gvyodboyc.

METIU 3:2

“Mc:dvrra mcngkutsutoka, kapila:nc taycng amo:dc anindanka:bong.”

METIU 4:17

Odo ayirdokkc Jisubv lutadcm luyirrobbomkang, scmpc lula, “Asinc mc:dvrra mcngkutsutokuka, kapila:nc taycngamong migom dokodc pvnga:dandubong.”

LU:KKC 17:23

Odokkc bulu nolum luyc, ‘ka:tok, clcna!’ Cdcmanggom ‘ka:tok, sidc!’ Gvyoka, buluk agomcm tadyok.

LU:KKC 21:7

Odokkc bulu Bvm tawuto, “Luyirna cdvlo cdcbulu iycn, odokkc kapinc kanggodpc iycn cdvlo cdc lenycji?”

LU:KKC 21:9

Odokkc cdvlo nolu mimag monamcla: urratko:latnammcm tadbegycnc; pcsoma:pcka: kapila:nc cdc lenpo:danna lenycrung, ckvdaggom lentcrlenabdc vgcmpc lenapma:yc.”

JO:N 5:43

Ngok Abukc aminnok ngo gvdung, odokkc nolu ngom torvgsumang; sc:koiycdan avkc aminno gvmvlo, bvm nolu torvgsuycpc.

JO:N 8:24

Ngo nolum lubidung noluk pa:pkvdv:dokki nolu siycku, kapila:nc ngo Bv cmna mc:jvgma:sisscm noluk pa:pkvdv:do nolu siycku.”

JO:N 8:28

Cdcmpila Jisubv luto, “Nolu cdvlo Tani:kc Awodcm la:sa:ycnc odo nolu ngo:jc Bv cmna kinycpc, odokkc ngo avkc inagvnanckokki okkomsin imang cmna cmpige:la Abudok luyirkammcmpc ludo.

1 KORINTIANG KVDVNG 6:9

Nolu kinma:nci jc dormokama:nckvdv:dc Ru:ncpvnckc migom doko mo:pvdo dungkuma:yc? Yadkosuyoka; ager gernckvdv:dcmba aisi:ma:nc moimang kumnckvdv:dcm, cdcmanggom ami yamnc langgo:nckvdv:dcm, cdcmmanggom la:tcr la:tcr langgo:nc kvdv:dcm,

IPESIANG KVDVNG 5:6

Nolum sc:kobv:sin nolum cmmum agomkokki yadkosuyoka, kapcnc odokbuluk lcgangki jc Ru:ncpvnckc aglv:dc lunamdcm tadma:nc aowangkvdv:do:pc pvnga:dag.

2 TISSALONIANG 2:3

Nolum sc:komsin yadkosuyoka kapci kapci idaggom; kapcnc cdc longcdc pvnga:ma:yc, mimag monamdc pvnga:ma:sisscm a:pongarpc, odokkc lujvgluro kama:nc tani:dc lenma:sisscm,

2 TIMOTI 3:13

cdvlo aima:nc tani:kvdv:dc aima:namlokkc aima:pc ila gvboycnc, yadnc kvdvngc odokkc yadnamc.

1 JO:N 4:1

Aipc mc:bomsunam kvdvnga, appvng yallom mc:jvgyok, cmpige:la yalokvdv:dcm anka:la ka:langka Ru:ncpvnckcji: bvkkcma:ji; kapcnc bojcrung lume:pc lungor-lunnc mo:pvsc gvlenamka:bong.

2 JO:N 1:7

Kapcnc bojcrungko yadnc rcngamso gvlenamka:bong, sc:ko tani:kvdv:dc Jisumc adin amvrpc gvnamdcm arro cmna luma:ji; cdcmpinc tani:dc:na yadncdc odokkc Kristobirudi:dc.

LUNGOR LUNAM 1:3

Bv akirba:d pa:ncdc sc:kobv lungor lunam agomkvdv:dcm bottcpc podagji, odokkc cdc sc:kobulu taddagji akirba:d pa:nc, odokkc sc:kobv taddagji odo okkom attagji; kapcnc ayirdc aninka:bong.

LUNGOR LUNAM 12:9

Odokkc cdc bottcru:nc alapkanc tabvdcm crpakletto, cdc leke:to:dvkc tabvdcm, okodcm Uiyc odokkc Satanc cmna ludagaji, mo:pv appv:sok yadgo:ncdc bvm mo:pvso:pc crpakletto, odokkc bvk taycng lutadkvdv:dcm bvk lcdulo crredtc:mvnto.