LU:KKC 19:7 - ANU LUGOD N. T. (BSI)

⁷ Odokkc bulu cdcm kangge:la bvnbvnaitakkang, “Bv pa:p kanc tani:kolokki mibopc ikapc gvkang” cmna.

LU:KKC 19:7 Iomraidhean Croise

METIU 20:11

Odokkc cdcm pangge:la okumdok ru:tumdcm aglv:la bvn-bvnaikang, scmpc lula,

METIU 20:4

‘Nolusin ngok angurarvgpc gvkang, odokkc okodcmci bipcnammcnc ngo nolum biyc.’ Cdcmpila bulu gvkang.

METIU 9:11

Odokkc Parisi kvdv:dc cdcm ka:namc, bulu Bvk agom tadjvgla gvmvnnc tani:kvdv:dcm luto, “Kapila noluk poyirncdc migom murkong urkumnc kvdv:dok odokkc papi:kvdv:dok dokolo domvndang?”

LU:KKC 15:2

Odokkc Parisi:kvdv:dc:la ainc agom luyirnckvdv:dc bvn-bvnaila luto, scmpc lula, “Sc tani:sc papi:kvdv:dcm torvgsudag odokkc buluk lcdulo dobosudag.”

LU:KKC 19:6

Cdcmpila bv lomdanna gvitoku odokkc, odo Bvm mc:po:pc torvgsuto.

LU:KKC 19:8

Odokkc Jakkaeu:bv dagrobge:la Ru:tummc luto, “ka:tok, Ru:tuma, ngok attarkvdv:dok orpongko opankvdv:dcm biyc; odokkc sc:kaiycm yadgo-mogo:la atvko langkamvlo, ngo odokyam lcppi:ko bojcya:pc bilatycku.”

LU:KKC 5:30

Odokkc Parisi:kvdv:dc:lang buluk ainc agom luyirnc kvdv:dc Bvk agom tadjvgla gvmvnnc tani:kvdv:dcm bvnbvnaila luto, scmpc lula, “Kapila nolu migom murkong urkumnc kvd:dokkilang papi:kvd:dokki dobo-tv:bosudon?”

LU:KKC 7:34

Tani:kc Awodc donam tv:namcm ila gvto; odokkc nolu ludag, ‘Ka:toka, dorvdonyoncko odokkc apo: tvngke:ncko, migom murkong urkumsunc kvdv:doklang papi:kvdv:dok ajonkonc!’

LU:KKC 7:39

Cdcmpidodcm sc:ko Parisi:dc gogkaji Bvm cdcm ka:la, bv avdc lusuto, “Sc tani:sc lungor luncka:mvlo, sc nc:sc kapinc nc:ngkoji kinya:pc sc:ko Bvm upkvdu:ji, kapila:nc bv pa:pkancko.”