LU:KKC 16:23 - ANU LUGOD N. T. (BSI)

²³ Mircmnc tani:dc:sin sikang odokkc agolo yuto; odokkc uiamo:bo dungkangku, kvnggv:pc ipusire:ycm pa:langkula, bv amigcm bcrsa:la ka:to, odokkc mo:tc:pc Abrahammc odokkc Lajaru:mc bvk kcra:do du:dopc ka:to.

LU:KKC 16:23 Iomraidhean Croise

METIU 11:23

Odokkc nolu Kapernauma, nolu taycng amo:pc jo:sangkunampc iycn? Nolu sinckvdv:dok amo:bo:pc joletlvgpcnammcyc. Kapila:nc bottaru:nc agercm nolukkolo gernamkvdv:dcm sodumdo gerya:mvlo, silopc cdc du:tvya:pc.

METIU 18:9

Odokkc nok amigc nom pa:bcm imodagmvlo, karrensutok cdcm odokkc cdcm yoppaktoka; nok amik apironggcge:la turnamdc aiya:dag amik pirnyiko kage:la uiamo:bok vmvlo cra:lvgkosunam dcmpcyam.

METIU 23:33

Nolu tabvkvdvnga, nolu kvnggv:pc dvgnc tabv opvnc, nolu kapc uiamo:pc gvka:langka cmnamdokkcm dugsila:ycn?

METIU 5:22

Cmpige:la ngo nolum lubidung jc sc:kobvi avkc bvrodcm aglvng sa:ycnc bvmsin tadjvgtarrom kcba:lo tapcnampc ido; sc:kobvi avkc bvrodcm aisi:ma:nc cmna luycnc bvm bottaru:nc kcba:lo tadjvgtarrom tadpcnampc iyc.

METIU 5:29

Nok lagbvkkc amikdc pa:bcm imodagmvlo, cdcm karrensutok odokkc cdcm yoppaktoka; nok amvr appv:dcm uiamo:pc cra:lvgkosunamdcmpcyam amvrdok abangko mcpaknamdc aiya:dag.

METIU 8:29

Odokkc ka:toka bulu jc:la luto, “No ngolukkokki okkom iycn, O: Ru:ncpvnckc Aowa? Ayirdc pvnga:ma:dapci no ngolum moke momarkapc gvdu:nci?”

LU:KKC 16:24

Odokkc bv gogto, ‘Ba:bu Abrahamcv, ngom aya:teipcn, odokkc Lajaru:mc bvk lakke: tubvdokki asiko sudjvngge:la ngok ayoscm ansv:dopc bidopc mclvgtei; kapila:nc ngo sc dorla du:nc vmvso ipusire:ycm pa:la dung?’

LU:KKC 16:28

kapila:nc ngokkc bvro anggoko dung, bv bulum lutadno:doc, ckvma:mvlo bulusin sc ipusire: pangkoso:pc gvpckc.’

LU:KKC 8:28

Bv Jisumc ka:begdannamci, bv jc:sangkang odokkc Bvk kcra:do kcdangka, odokkc bottapakpc jc:la luto, “No ngokkokki okkom ipcnammc du:n, Jisua, Airu:pc Tayc:tok Ru:ncpvnckc Aowa? Ngo nom kumla ludung, ngom mogvtmomatyoka.”

1 KORINTIANG KVDVNG 15:55

“C:i sinam nok mopvnamdc okolon? C:i sinam, nok gvdv:dc okolon.”

2 PITOR 2:4

Kapcnc jodi Ru:ncpvncbv taycng among lutad lunckvdv:dcmci cpv:pc mctomang cdvlo bulu pa:bcm itoji, cmpige:la bulum ui-amo:bo:pc crrvgto odokkc bulum kcvgkc kcmmo jvng cmnc aru:do:bulu tolvgtag odo kcba:bangkunam longcdo:pc;

LUNGOR LUNAM 20:10

odokkc cdc uidc okodc bulum yattoji vmmclang gondog siycng pa:ta:do:pc cryi:lvgto okolo cdc simvndc:lang lume: lungor luncdc, odokkc bulum longgcm odokkc yummcm lo:dv longkvpc mogvtmomatto.