LU:KKC 14:3 - ANU LUGOD N. T. (BSI)

³ Odokkc Jisubv lujvgluro kinnckvdv:dcmlang Parisi:kvdv:dcm luto, scmpc lula, “Yodla ager germa:pc du:do longcdo kinamcm csa:mopa:dakkuyc, csa:mopangkuma:yc?”

LU:KKC 14:3 Iomraidhean Croise

METIU 12:10

Odokkc ka:toka, laksannc tani:akonc odo dungai. Odokkc bulu Bvm tawuto, “Yodla du:nam longcdo csa:mokunamdc Ru:nckc agom jvggabnamdcmpc gernamci? Cdcmpc bulu Bvm aima:pc lupa:pc cmna luto.”

METIU 12:2

Cmpige:la Parisi:kvdv:dc cdcm kangge:la, bulu Bvm luto, “Ka:tok, nok agom tadjvgla gvmvnnc tani:kvdv:dc yodnam longcdo lujvglurodo okkom ipcma:namc cmna lutagnc idung.”

METIU 22:35

Odokkc bulukkodok akonc, Ru:ncpvnckc lujvg-luro agomlok kinkurkinle:n akoncm Bvm taunam agomko tatto, Bvm anka:la kangkv:pc cmna.

MARKKC 3:4

Odokkc Bv bulum luto, “Lujvgluro lukampc yoddo longgcm ainc agercmyc: aima:n agercmyc gerpa:don, turnamko moturpa:donci cdcma:mvlo mokepa:donci?” Cmpige:la bulu aso:pc dungkang.

LU:KKC 14:2

Odokkc ka:toka, Bv kcra:do bv:nam kinam kanc tani:ko dungai.

LU:KKC 14:4

Cmpige:la bulu aso:pc du:pakkang. Odokkc Bv bvm langange:la csa:motoku, odokkc bvm gvmotoku.

LU:KKC 6:9

Odokkc Jisubv bulum luto, “Ngo nolum tawudung, yodla du:nam longcdo lujvg lurodok lukampc ainc agercmyc aima:nc agerko gerpa:donc, turnamko moturpcnamcyc cdcma:mvlo cdcm mokepcnamcyc?”

JO:N 7:23

Yodla ager germa:pc du:dom tani:ycm gadpukkoi gaddomvlo, Mose:kc lujvg lurodok lukamdcmpc ima:pc ipckc cmna, nolu ngom aglv:dagnci ngo tani:pakko yodla ager-germa:pc du:do longcdcm csa:motokuncm?