LU:KKC 13:13 - ANU LUGOD N. T. (BSI)

¹³ Odokkc Bv bvm alagcm ri:yidto, odokkc oddung bvm vgcmna dagtu:motoku, odokkc bv Ru:ncpvncmc aipai cmto.

LU:KKC 13:13 Iomraidhean Croise

METIU 9:8

Cdc yadkumsunc tani:kvdv:dc cdcm kangge:la pcssamkang, odokkc bulu Ru:ncpvncmc amincm gvbu:moto, sc:kobv tani:kvdv:dcm cdcmpc ila:nammcm bitu:nc.

MARKKC 16:18

bulu tabbcm gagsa:la:yc, odokkc bulu tvngkesula sipcnamko tv:mvlogom, cdc bulum tv:nvgsumoma:yc; bulu mola:ma:nc tani:kvdvdcm alagcm riyitbiyc bulu csa:ycku.”

MARKKC 5:23

“ngok omcdc sipc cmna idu:bong. Gvla nok alakki bvm ri:yitbimvlo, odomvlo bv csa:yckupc, odokkc turycpc.”

MARKKC 6:5

Odokkc Bv odo mcngapla:ma:nam agercm gerla:tomang, kinc tani: anyi awumo:ko alakki riyidbila aimokunamdok angupc.

MARKKC 8:25

Odo Bv lckoda bvm alagcm ri:yitto; odokkc Bv ka:mi:-miri:la ka:la ka:pvtokku, odokkc appvngcm aiyo:pc ka:begamtoku.

LU:KKC 13:12

Odokkc cdvlo Jisubv bvm ka:begtoji, Bv bvm gogto odokkc bvm luto, “Ambvra, nok mosimola:ma:-namdokkc no aikangkubong,”

LU:KKC 18:43

Odokkc vgcmpc bv ka:begkangku odokkc Bvk lcdu lcdulo gvmvnkang, Ru:ncpvncmc ainc cmnang cmna; odokkc tani:appv:dc cdcm kangge:la, Ru:ncpvncmc aipai cmto.

LU:KKC 4:40

Cdcmpidodcm do:nyidc owa:pc ayirdo atv kinam ramnamko du:nc appv:dcm bvkkolo:pc gvangamboto; odokkc Bvk alakki appv:dcm riyitbila bulum csangammotoku.

AGER KVDVNG 9:17

Cdcmpila Anania:bv gvkang odokkc okumdo:pc gvangkang. Odokkc bvk tayc:do bvk alagcm pigabge:la bv luto, “Bvro Soula, no oko lambcdokki gvkanc cdc odo Ru:tum Jisubv sc:kobv nom lcngkansukaji, bv ngom mclvgtung no:jen nok amigc ka:begyckupc odokkc Angunnc Yalodcm pa:ycpc.”