LU:KKC 12:5 - ANU LUGOD N. T. (BSI)

⁵ Cmpige:la ngo nolum lubipc sc:kobulum nolu pcsopcnamcji: bvm pcsolangka, sc:kobv mokege:la:sin, bvm uiamo:pc mclvgdagji; c: ngo nolum lubidung, Bvm pcsotoka!

LU:KKC 12:5 Iomraidhean Croise

METIU 10:28

Odokkc sc:kobulu amvrcm mokedagnc ckvdaggom tani:lok yalodcm mokela:ma:nc bulum pcsoyok; cdcmyam bvm pcsotok sc:kobv amvrdcmlang yalo anyipakdcm uiamo:bo moke-moyela:dakkunc.

METIU 25:41

“Odokkc Bvk lakkekc du:nckvdv:dcm Bv luyc, ‘Gc:ramkang ngokkolokkc, nolu pelvgnamkvdvnga, uidcm odokkc bvk lutad lunckvdv:dok lcga:pc romla lc:nam cdvlosin midma:nc vmvdo:pc;

METIU 25:46

Odokkc bulu lo:dvscm du:tvnc dcmke-mokekodo:pc gvyc, cmpige:la dormokanc kvdv:dc lo:dvscm du:tvnc turnamdo:pc gvyc.”

METIU 5:22

Cmpige:la ngo nolum lubidung jc sc:kobvi avkc bvrodcm aglvng sa:ycnc bvmsin tadjvgtarrom kcba:lo tapcnampc ido; sc:kobvi avkc bvrodcm aisi:ma:nc cmna luycnc bvm bottaru:nc kcba:lo tadjvgtarrom tadpcnampc iyc.

MARKKC 13:23

Ckvdaggom ansuka:sulangka; ngo nolum appvngcm luno:la lubitu:bong.

1 TISSALONIANG 4:6

Jc sc:ko tani:ycsin aima:nc agercm ipc lagimang, odokkc bvk bvrodcm cdc agerdo imurko ipcma:namc, Kapila:nc Ru:tumbv cdc appv:dok palvglvgnc, kapc ngolu aiyo:pc nolum lutadno:bitu:ji.

HIBRIUKVDVNG 10:31

Turra du:nc Ru:ncpvnckc alagdo owa:namdc pcsopcnamc.

2 PITOR 2:4

Kapcnc jodi Ru:ncpvncbv taycng among lutad lunckvdv:dcmci cpv:pc mctomang cdvlo bulu pa:bcm itoji, cmpige:la bulum ui-amo:bo:pc crrvgto odokkc bulum kcvgkc kcmmo jvng cmnc aru:do:bulu tolvgtag odo kcba:bangkunam longcdo:pc;

LUNGOR LUNAM 14:7

odokkc bv bottcpc lunam gomugkokki luto, “Pcsotoka Ru:ncpvncmc odokkc Bvm amincm gvmotoka, kapcnc Bvk kcba:ba:nam ayirdc pvnga:du:bong; odokkc Bvm kumtoka sc:kobv taycng amongtcmna mo:pvscm ru:toji, siycngdcm odokkc asijili: kvdv:dcm.”

LUNGOR LUNAM 15:4

Sc:kobv pcsoma:nc odokkc nok amincm gvmoma:ycn, O: Ru:tum? kapcnc nok atcrongc angundag. Appvng ope:yc gva:yc odokkc nom kumyc, kapcnc nok kcbang ba:namdcm lcngkanto.”

LUNGOR LUNAM 20:14

Odokkc Sinamclang Uiamongcm siycngcmpinc vmv pa:ta:lo crpaklvgto. Cdcna lckon sikunamdc cdc siycngcmpinc vmv pa:ta:dc;