21 “Kvnggv:pc tornc tani:konc, mi mag monancm aiyo:pc gcru:suge:la, bvk avkc lottadcm ka:sv:ycnc, bvk attarkvdv:dc aiyo:la du:do;
Cdcmanggom kapc tornc tani:akolok okumkolo:pc gva:la bvk ainc attarkvdv:dcm langkutycn, tornc tani:dcm ycnggappo:danma:mvlo? Odomvlo aropakpc bvk okumdcm gingkutla:yc.
“Ckvdaggom tornc tani:dcm ycnggabpo:danna yc:po:ma:mvlo, sc:kosin tornc tani:lok okum ara:lo:pc gva:la; attarkvdv:dcm rodla rodkutla:mayc.
Ckvdaggom cdc ngo:jc uimcnpaknancdc Ru:ncpvnckolokkcycmvlo, odomvlo Ru:ncpvnckc migom doko mo:pvdc pvnga:du:bong.
Cmpige:la bvm torya:nckonc bvm moa:ycnc odokkc bvm mopvycnc, bv bvk mimag monancm la:pagamsudag okodcm bv mc:tinsudagaji, odokkc bvk rodkutla bomkunam attarkvdv:dcm orpansula la:dag.