JO:N 13:3 - ANU LUGOD N. T. (BSI)

³ Jisubv, Abudc Bvk alagdo appvngcm bitung cmna kinna:yam, odokkc Bv:jc Ru:ncpvnckotokkc gvnnc odokkc Ru:ncpvnckoto:pc gvdagku cmna,

JO:N 13:3 Iomraidhean Croise

METIU 11:27

“Appvng attcm ngok Ba:bukokki ngokkolo:pc bitag; odokkc sc:kosin Ba:budcm kinmang Awodc:ma:mvlo odokkc akoncm sc:kom Awodc bvm lcngkanpc cmna balenna bama:mvlo.

METIU 28:18

Odokkc Jisubv gva:la bulum luto, “Appvng ilang-gvlangcm taycngamo:to odokkc tani:amo:so ngom bitung.

LU:KKC 10:22

“Appvng attarcm ngom bitung ngok Ba:bukokki; odokkc Abudc:ma:mvlo sc:kosin Awodcm kinmang, cdcmpcmanggom Abudc sc:kosong Awodcma:mvlo odokkc sc:komci lcngkanlv:dagnc Awodc bvm lcngkan dag.”

JO:N 1:18

Sc:kosin cdvlosin Ru:ncpvncmc kangkvmang; Awo atcrdcwong; sc:kobv Abudok kcra:do dungkuji, Bv Bvm kinapmoto.

JO:N 13:1

Cdcmpc idodcm Gvbo:la gvla dopun dojardok po:pcbong, Jisubv Bvk mo:pvsokkc Abukoto:pc gvpakkunam ayirdc aninka:bong cmna cdvlo kintoji, mo:pvso sc:kobulu du:nc cdcmbulum ayangge:la, Bv bulum du:tcrdo:pc aipcmc:to.

JO:N 17:2

no Bvm rcngamsok appvng ru:namlok tayc:lo ila:sa:langcm kapc bitoji, turyarla turla du:namdcm bipc cmna cdc appv:dcm no Bvm bitoji.

JO:N 3:13

Sc:kosin taycng amo:pc gvsa:langkumang taycng amo:tokkc sc:kobv gvikaji: bv:ma:mvlo, tani:kc Awodc:ma:mvlo.

JO:N 3:35

Abudc Awodcm aipc mc:dag, odokkc appvng attarcm Bvk alaglo bito.

JO:N 7:29

Ngo Bvm kindag, kapila:nc ngo Bvkkolokkc gvdung, odokkc Bv ngom mclvgtag.”

JO:N 7:33

Jisubv odo luto, “Ngo noluk lcdulo adjiokoda du:yc odokkc ngom sc:ko mclvgtagnc bvkkolo:pc gvycku;

JO:N 8:14

Jisubv lubito, “Ngok avkc agomcm lukanbidaggomci ngok lukanbinamdc arro, kapcnc ngo kinsudag ngo okolokkc gvdu:ji odokkc ngo okolopc gvdagji, cmpige:la nolu okolokkc gvdu:song cdcmanggom okolopc gvycsong ngo kinmang.

JO:N 8:42

Jisubv bulum lubito, “Ru:ncpvncbv noluk Abuya:mvlo, nolu ngom aipc mc:ya:pc, kapcnc ngo Ru:ncpvnc kolokkc lennc odokkc gvnnc; ngo avkc mcngkampc gvmang, cmpige:la Bv ngom mclvgtung.

AGER KVDVNG 2:36

“Israelkc ope: appv:dcm aroru:pc kinmotoka jc Runcpvncbv Bvm Ru:tumpclang Kristopc imoto, cdc Jisumc sc:kom nolu kuruslo pvtketoji.”

1 KORINTIANG KVDVNG 15:27

“Kapila:nc Ru:ncpvncbv appvng attarcm Bvk alc kcvgbo du:dopc lc:yc” Cmpige:la cdvlo cdc ludagnc, “Appvng attarc Bvk kcvgpc du:dag,” cdc cmmumpci kinnamc jc Bv langutag sc:kobv Bvk alc kcvgbo appvng attarcm mcdoji.

HIBRIUKVDVNG 1:2

cmpige:la sc du:tcr longckvdv:so Bv ngolum Awo akokokki luto, sc:kom Bv appvng attarlo pangkonsuncpc tolvgtoji, sckkokki Bv Mo:pvscm ru:toji.