JAKOB 5:7 - ANU LUGOD N. T. (BSI)

⁷ Menrasula du:toka, cdcmpidag, bvrokvdvnga, Ru:tumkc gvdoku longcdo:pc. Ka:toka, mo:pvsokkcm airu:pc arckanc a:ycm pa:yc cmna arvg inckvdv:dc, cdc opongarnc odokkc lcddarkc pcdo:dc oma:sisscm menrasula toya:la du:dopc toya:la du:do.

JAKOB 5:7 Iomraidhean Croise

METIU 16:27

Kapil:nc tani:kc Awodc Bvk Abukc aipaidokki Bvk taycng among lutad lunc tani:kvdv:dokki gvkupcnamc, odokkc odo Bv appv:tani:ycm sc:kobv oko okkom ikanc odok bikupcnamcm biycku.

METIU 16:28

Aropakpc, ngo nolum lubidung, sc akke dagla dung sc:kobulu sinamcm pangkvma:ycnc bulu Tani:kc Awodcm Bvk migom doko mo:pvdo ka:begma:sisscm.”

METIU 24:27

Kapila:nc yari:yc sangatokkc arra owabo:pc arpv:donc, tani:kc Awodc:sin gvdokudod cdcmv:pc iycpc.

METIU 24:44

Cdcmpidag nolusin mosv:sula du:pa:ru:yc; Kapila:nc tani:kc Awodc noluk gvyckupc cmna mc:ma:do ayirardo gvycku.

LU:KKC 18:8

Ngo nolum lubidung Bv bulum imurnclokkcm mcna:pc moturyc. Ckvdaggom, cdvlo tani:kc awodc gviyckunc, Bv mo:pvso mc:jvgcm pa:yckusong?”

LU:KKC 21:27

Odokkc odo Tani:kc awodcm mukkang atakkolo ilanggvlang tornamki odokkc bottcru:nc amin gvnamki gvidokupc ka:begycku.

LU:KKC 8:15

Odokkc ainc amo:do dc:yi:nckvdv:dokkcpc, bulu cdc sc:kobulu, agomdcm taddagnc, cdcmbulum aiyo:pc asinbo mc:jupla lc:dagnc, odokkc mcnggaptvla du:namki a:ycm e:modag.

JO:N 21:22

Jisubv bvm lubito, “Cdcm mc:mvlo bv dungka:lang ngok gvlatkuma:sisscm, cdc nokkcpc kapc idang? Ngok lcdulo gvmvntok!”

JO:N 21:23

Bvrrang kvdv:dok ara:lo cdc agomdc cdc ngombungkang jc cdc agom tadjvgla gvmvnna gvnc tani:dc sima:yc; cmpige:la Jisubv bvm lumangai jc bv sipcma:namc, cmpige:la, “Cdc ngok mc:namkomvlo bv ngo gvkuma:sisscm du:mvlo, cdc nokkcpc okopc iycn?”

ROMANKVDVNG 15:4

Kapila:nc okodcmci lekkem adtungaji ngolum luyir lcgangc adtungai, jc cngungcma:pc du:namdokki odokkc Ru:nckc agom jvggabdokki ngolukkc mc:bomsunamc du:ycpcji.

ROMANKVDVNG 2:7

ainc agercm mentumsula du:namki gerla amingvnamcm odokkc mcnggcnammcm odokkc sima:pc du:namcm manckvdv:dcm, Bv turyarla turnamcm biyc;

1 KORINTIANG KVDVNG 1:7

ja:te cdcmpinamc nolu yalodok amanno okodo:sinci pv:rammang, nolu ngoluk Ru:tum Jisu Kristokc kapc toya:la du:ji du:tvla;

GALATIANG KVDVNG 5:5

Kapcnc Yalodokki, mc:jvgki, ngolu dormokanamdcm toya:la toka:la dung.

GALATIANG KVDVNG 6:9

Odokkc kajc ngolu ainc agercm gerla du:tvla gerdvryoka, Kapila:nc gaddvlo ngolu gadycku, ngolu jodi asincm mclvgma:mvlo.

KOLOSIANG 1:11

Nolu appvngc appvng ilang gvlangkokki kvnggvnka:langka, amin gvbu:nc tornamdokki, kapcnc appvng mentumsula du:namclang menya:sula du:namki mc:pobadnamki,

1 TISSALONIANG 1:3

ngoluk Ru:ncpvnc odokkc Abukc kcra:la noluk mc:jvglok agerkvdv:dcm odokkc aipc mcnamlok kvnggv:pc ager gernamcm odokkc mcma:ru:pc mc:tinnammcm ngolu Ru:tum Jisu Kristokolo mc:pa: mc:pa:la.

1 TISSALONIANG 2:19

Kapila:nc ngoluk mc:tinamdc okodcn cdcmanggom mc:ponamdcm cdcmanggom bottapc lubonsunamdok dumlubc ngoluk Ru:tum Jisukc kcra:do Bvk gvdokudo?

1 TISSALONIANG 3:13

odomvlo jc Bv noluk asinkvdv:dcm lujckko kama:dopc angunno ngoluk Ru:ncpvnckc odokkc Abukc kcra:lo, ngoluk Ru:tum Jisukc Bvk aipc kumnc tani: appv:dokkc gvdokudo.

HIBRIUKVDVNG 6:15

Odokkc cdcmpila Abrahambv, mentumsula du:to, pesunamdcm pa:to.

JAKOB 4:11

Akonc akoncm aima:nc agomcm luka:mvnsuyoka, bvrokvdvnga. Bvrrang akoncm aima:pc luka:mvnsunamdc cdcmanggom bvk bvrodc kcbangcm ba:yc, lujvg lurodok birudi:pc ludo odokkc lujvg lurodcm kcbangcm ba:do. Cmpige:la nolu jodi lujvglurodcm kcbangcm ba:do, nolu lujvglurodok lukampc agercm gerncmang cmpige:la kcbang ba:nckodan.

JAKOB 5:10

Ipusire:ycm pa:nclang menrasunamcm pa:nclok pangodnckoncmpc, bvrokvdvnga, lungor agom lunckvdv:dcm gagtoka sc:kobulu Ru:tumkc aminno agomcm lutoji.

JAKOB 5:3

Noluk avnkvdv:dc odokkc silbor murkongkvdv:dc yogvr koiyangc angapka:bong, odokkc odokbuluk yogvr koiyangkvdv:dc noluk birudi:pc agom lukanbincpc iyc odokkc noluk adinkvdv:dcm vmmcmpc dorabbomyc. Noluk du:tcr longcdokkcpc murkongcm lcngkumsutobong.

2 PITOR 3:4

“Bv gvkunamdok pesubinamdc okolon? Cmna lula: lula, kapcnc cdvlokkcbong abukvdv:dc singapka:ji, appvng attarkvdv:dc cdcmv:pc itvla dung kapc cdcbulu ru:lendodokkc idagaji.”