JAKOB 5:3 - ANU LUGOD N. T. (BSI)

³ Noluk avnkvdv:dc odokkc silbor murkongkvdv:dc yogvr koiyangc angapka:bong, odokkc odokbuluk yogvr koiyangkvdv:dc noluk birudi:pc agom lukanbincpc iyc odokkc noluk adinkvdv:dcm vmmcmpc dorabbomyc. Noluk du:tcr longcdokkcpc murkongcm lcngkumsutobong.

JAKOB 5:3 Iomraidhean Croise

AGER KVDVNG 2:17

‘Odokkc gvngab longcdo cdcmpc iyc Ru:ncpvncbv luto, jc Ngok Yallom ngo tani: opvn appv:lo to:rumlvgyc, odokkc noluk awokvdv:dc odokkc noluk omckvdv:dc lungor agomcm lugo:yc, odokkc noluk ya:me ko:kvdv:dc kangorcm ka:yc.

ROMANKVDVNG 2:5

Cmpige:la nok turnc odokkc mentumsula du:la:ma:nc asindokki no aglvngcm mckumsudung avyc avkc lcgangc aglvng longcdokkcpc cdvlo Ru:ncpvnckc dormoki ba:nam kcba:dcm ba:yckuji.

2 TIMOTI 2:17

odokkc buluk agom lunamkvdv:dc odok lambcdcm ya:bomnammcmpc dodag. Buluk ara:dok Himenaeubv odokkc Piletu:bv,

2 PITOR 3:3

Scmmar nolu mcngkinru:pa:yc, jc aima:pc luka:nc tani:kvdvngc aima:pc luka:la du:tcr longcdo lenyc, buluk avkc ka:bomc:bo mc:namkoi odokkc.

LUNGOR LUNAM 17:16

Odokkc cdc a:rcng so:yvngkvdv:dcm no:jc ka:tonc, bulu odokkc cdc simvndc cdc ammem miyc:pc langkosuncdcm tayumyc; bulu bvm akudali:moyc odokkc pvtsumoyc, odokkc bvk adinamvrdcm momvg-mosvgto odokkc bvm vmvki rompakto,

LUNGOR LUNAM 20:15

odokkc jodi akonkc amincm turnckvdv:dok potindo pa:tomang, bvm siycngcmpinc vmv pa:ta:do cryi:lvgto.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”