JAKOB 4:8 - ANU LUGOD N. T. (BSI)

⁸ Ru:ncpvnckc kcra:pc gva:toka odokkc Bv:sin noluk kcra:pc gva:ycpc. Noluk alagkvdv:dcm mopu:sutoka, c:i papi:kvdvnga, odokkc noluk asinkvdv:dcm narc:motoka, c:i asin ba:nyikopc gcnctani:ya.

JAKOB 4:8 Iomraidhean Croise

METIU 12:33

“Vsv:dcmci aimotoka, odokkc odok a:ycdc aiyc; cdcmpcma:mvlo vsvdcm aima:pc imotoka, odokkc odok a:ycdc aima:ycpc; kapcnc vsv:dcm odok a:ycdokki kinna:dag.

METIU 15:2

“Kapila nok agom tadjvgla gvmvnnc tani:kvdv:dc ta:to-ya:yok longcdok igodgvgoddcm tadma:pc ibat-siyatdang? Kapila:nc bulu cdvlo dodonc buluk alagkvdv:dcm vrpu:sumang.”

METIU 27:24

Cdcmpila Pilatbv ka:namc bv okkomsin ila itung tu:tomang, cmpige:la urradc yawokang, bv asiko la:to, odokkc yadkumsunc tani:kvdv:dok Kangkodo bvk alagso:nyidcm vrpu:suto, scmpc lula, “Ngo sc tani:sok i:lcgangc okkomsin kinmang; cdcm nolu avyc avycm ka:sulangka,”

AGER KVDVNG 15:9

Odokkc Bv bulukkoloklang ngolukkolok oko angucmsin du:motomang, cmpige:la buluk asinkvdv:dcm mc:jvgkokki mopu:to.

2 KORINTIANGKVDVNG 7:1

Cdcmpc ngolukkc cdcmpc pesubinam kvdv:dc du:namc, aipc mc:bomsunamkvdvnga, kajc ngolu avyc avycm narcmosulai appvng narc:ma:nckvdv:dcm amvrrokkcmang yalolokkc, odokkc Ru:ncpvncmc pcsonamki angunnammcm ncrkvgpc angunnai.

1 TIMOTI: 2:8

Ngo pa:pc cmna mc:dag odokkc jc appvng dungkolo milbong tani:kvdv:dc kumpcnammc, angunnc alagkvdv:dcm lagsa:la aglvng sa:ma:pc cdcmanggom pamvnsuma:pc;

HIBRIUKVDVNG 10:22

kajc aro asinki kcra:pc gva:lai mc:jvgc pv:namrungko du:la, ngoluk asinkvdv:dc abkatla narc:la odokkc aima:si:ma:nc mc:namlokkc odokkc amvrkvdv:dcm angunnc asikokki.

HIBRIUKVDVNG 7:19

(Kapcnc lujvglurodc okkomsin pv:dopc ila:tomang;) akon alagdo, aiya:nc lulennvgto, okodokki ngolu Ru:ncpvnckc kcra:do gva:doji.

JAKOB 3:17

Cmpige:la tayc:tokkc gvinc kinnam agomdo lenpo:danna narcngtong cmdag, odokkc mcnganbola:dag, mc:jubmcngkabdag, lugab agom lcgangc tadmvnsudag, mc:yinsunamc bi:danna odokkc ainc apva:ycbulu du:dag. Mc:momc:ya kama:ncpc ila cdcmanggom mc:jupmcngkap kama:ncpc ima:pc.

1 PITOR 1:22

Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.

1 PITOR 3:21

Buptisma la:namdc, okodc sokkokki dungkonsudagnc, su:pak nolum mopvtdag, cdc amvrdokkcm koiyangcm mopu:sunamcmpcmang cmpige:la Ru:ncpvnckolo:pc kumna:sola lukamcmpc narc:pc mcngcsagcla mc:namcpmc,

1 JO:N 3:3

Odokkc appvngc sc:kobulu cdcmpc mc:tinna du:doji Bvkkolo avyc Bv narc:modag Bv kapc narc:dagji.