JAKOB 4:1 - ANU LUGOD N. T. (BSI)

¹ Okko mimagcm molenmodang, odokkc noluk ara:lo okko pamvnsunamcm lenmodang? Cdc noluk asinkvdv:dok mc:ru-mc:mangkokkima:lang cdc mimag mola du:nc noluk adinamvr kvdv:do?

JAKOB 4:1 Iomraidhean Croise

METIU 15:19

Kapila:nc asin ara:bokkc aima:nc mc:nam sagnamc lendag, tani: mokenammc, ami nc:ngcm la:namc amilo gvma:dapc ika:mvnsunammc, dopso:nammc, yadla lubisunamc, aima:pc luka:nam.

JO:N 8:44

Nolu noluk uiabudokkcmmvn. Bv lendoa:dodokkcbong tani:mokenckkai, odokkc arodokki okkomsin ipcnam kamang, kapila:nc bvkkolo apirkosin arro kamang. Bv cdvlo yaddoji, bvk avkc lukam-gvkamdcmpc bv agomcm ludag, kapila:nc bv lume: luncko odokkc lume:luncdok abudc.

ROMANKVDVNG 7:23

Cmpige:la ngok alc alakkvdv:so ngo ina-gvnanc kvdv:so lujvg luro akonkoda mimag moka:mvnsuncko dung ngok asinbok lujvg lurodokki odokkc ngom pa:bdok lujvglurodo:pc yc:tumna lc:ncko okodc ngok ina-gvnanc kvdv:do du:dodagdoji.

ROMANKVDVNG 7:5

Ngolu amvrsok mcngkampc turla du:dodcm, ngoluk pa:b ilv:la mc:namkvdv:dc, lujvglurodokki dowusa:la, sinamlokkcpc a:yc e:dopc ngoluk alcalak kvdv:dc ager gerla dungai.

ROMANKVDVNG 8:7

Kapila:nc adinamvrdo mcnga:nc asindc Ru:ncpvnckokki mirupc inamc; cdc Ru:ncpvnckc lujvglurodok lukamdcmpc tadmang, ncrkvgpc cdc tadla:mang;

GALATIANG KVDVNG 5:17

Kapila:nc amvrdok mc:namkvdv:dc Yalodok birudi:dag, odokkc Yalodok mcngkam kvdv:dc adin-amvrdok birudi:dag; kapcnc sc:bulu akoncm akonc nvgka:mvnsudag, nolum motumpc nolu okodcm ipcma:namcji.

KOLOSIANG 3:5

Cdcmpidag nolukkolo okodc mo:pvsokkcji moketoka: aminc:ngcm la:binammc, napvnarc:ma:namc ilvnggvlvngc, aima:nc ager gerrvngc, odokkc ka:bonammc, okodc uikumnamcji.

2 TIMOTI 2:23

Okkomsin kinma:nc kvdv:dokki okkomsin ipcnammc kamang, arvsu:ma:nc luka:mvnsunamkvdv:dcm; no kindag jc cdcbulu pamvnsunam kvdv:dcm lenmodag.

TITUS 3:3

Kapila:nc av avycsin po:pc lcko monsi-monba:dagai, agom tadmangai, gvyodla gvdungai bojcrung ilvng-sa:lv:lok mc:bo-ka:bolok pagboai, ngoluk longckvdv:dcm ncka:mvnsula odokkc ncgopogola mclvgla, tani:kvdv:dc tayumna odokkc akoncm akonc tayumla;

TITUS 3:9

Cmpige:la okolok aima:pc svgka:mvnsu:nam agomkvdv:dcm mcpaklangka, ope:ncgvng agomc, agom lukermvnsunam, lujvglurodok agomlo pamvnsunamc, kapcnc cdcbulu la:bkama:nc odokkc okopcsin aima:nc.

JAKOB 1:14

Cmpige:la appvng tani:ycm ka:bomc:bomodag cdvlo bv avkc mc:namdokki odokkc yadbomnamdokki mc:bodagji.

JAKOB 4:3

Nolu kodo cmpige:la nolu pa:mang, lcga:dc nolu komurra kodag, noluk asin mcnggo:la mc:namdcmpc inagvnapc cmna.

1 PITOR 1:14

Kapc agom tadnc ko:kang kvdvvngc, noluk po:pckc kinma:pa:ma:nc mc:nam sagnamdc ajonpc du:tvyok,

1 PITOR 2:11

Aipc mc:bomsunam kvdvnga, ngo nolum kumna:sola: ludung amikc amonglo du:nc odokkc yc:bomla lcngkunampc adin amvrdok mc:boka:bodcm mcma:pc du:dopc cdc noluk yalo kvdv:dok birudi:pc mimagcm modag.

2 PITOR 2:18

Kapcnc cmmum aima:nc agomcm botta bottapc lubonsula lula, bulu tani:lok adinamvr ka:bomc:bonamki yadgo:pago:la sc:kobulu kapci kapciyc: dugpvtsutonc sc:kobulu imursiyarlo turra dungaji.

2 PITOR 3:3

Scmmar nolu mcngkinru:pa:yc, jc aima:pc luka:nc tani:kvdvngc aima:pc luka:la du:tcr longcdo lenyc, buluk avkc ka:bomc:bo mc:namkoi odokkc.