JAKOB 3:6 - ANU LUGOD N. T. (BSI)

⁶ Cdcmv:pc ayodc vmmcmpinc ngoluk adin amvrdokkc dormokama:nc rcngamc, amvr appv:dcm koiyang a:modag, odokkc du:namdagnamsok gvtvla du:namdcmci vmmcm romnvgdag, odokkc uiamongki vmmcm romnvgdag.

JAKOB 3:6 Iomraidhean Croise

METIU 12:24

Cmpige:la cdvlo Parisi:kvdv:dc tattonc bulu luto, “Cdc Beeljebulkc igurkokkimvn, uikvdv:dok migom awodokki, cdc tani:dc uiycm mcnpakla:dang.”

METIU 5:22

Cmpige:la ngo nolum lubidung jc sc:kobvi avkc bvrodcm aglvng sa:ycnc bvmsin tadjvgtarrom kcba:lo tapcnampc ido; sc:kobvi avkc bvrodcm aisi:ma:nc cmna luycnc bvm bottaru:nc kcba:lo tadjvgtarrom tadpcnampc iyc.

MARKKC 7:15

Okkosin tani: akoncm ru:yidokkc ara:bo:pc gva:la bvm narc:ma:pc imopc kamang;

LU:KKC 16:24

Odokkc bv gogto, ‘Ba:bu Abrahamcv, ngom aya:teipcn, odokkc Lajaru:mc bvk lakke: tubvdokki asiko sudjvngge:la ngok ayoscm ansv:dopc bidopc mclvgtei; kapila:nc ngo sc dorla du:nc vmvso ipusire:ycm pa:la dung?’

AGER KVDVNG 20:30

odokkc nolukkolok avyvngkolokkc tani:kvdvngc lenna tu:ladnc agomcm luyc, buluk lcdulo:pc mc:jvgnc gvmvnnc tani:kvdv:dcm gvpakdopc cmna.

AGER KVDVNG 5:3

Cmpige:la Pitorbv luto, “Ananianga kapila Satandc nom asindcm Angunnc Yalodcm lume:ycm lunamdcm bi:moton odokkc among kola pa:namdok akkem la:tumla lc:moton?

AGER KVDVNG 6:13

odokkc lume:pc lukancm lubito sc:kobulu luto, “Sc tani:sc cdvlosiin sc angunnc mo:taksoglang lujvg lurodok biru:di:pc lunamdcm lungasumang;

TITUS 1:11

bulum aso:pc du:moru:pa:yc; bulu crang appvngcm aglvng sangapmola:yam aima:pc ncrkvg arc pa:nam lcgangc poyirgo:la:yam okodcm bulukkc poyirpcnam sotto kama:ji.

JAKOB 2:7

Cdcbuluma:lang sc:kobulu mcnggcru:pcnam amindcm aima:nc cmna ludagnc okodcm nolum minnvgtagnc?

JAKOB 3:7

Kapcnc appvng simvnclang pcttangcmbulum, amonglo ngc:la gvgo:ncm odokkc siycnglok ru:namkvdv:dcm, momapla:dag odokkc tani:kvdv:dc momabamtobong,

2 PITOR 3:3

Scmmar nolu mcngkinru:pa:yc, jc aima:pc luka:nc tani:kvdvngc aima:pc luka:la du:tcr longcdo lenyc, buluk avkc ka:bomc:bo mc:namkoi odokkc.

3 JO:N 1:10

Cdcmpidag jodi ngo gvmvlo, bv okkom idu:ji ngok birudi:pc inam appv:dcm aima:nc agomki lulenamyc. Odokkc odokki mc:lvgsuma:pc jc, bv avdc avdcm lupaksudag bvrrang kvdv:dcm tomrvgsupcnammcm, odokkc bulum cdc tomrvgsupcnc kvdv:dcmsin motumdag odokkc mondoli: dokkcmsin la:lennvgdag.

LUNGOR LUNAM 12:9

Odokkc cdc bottcru:nc alapkanc tabvdcm crpakletto, cdc leke:to:dvkc tabvdcm, okodcm Uiyc odokkc Satanc cmna ludagaji, mo:pv appv:sok yadgo:ncdc bvm mo:pvso:pc crpakletto, odokkc bvk taycng lutadkvdv:dcm bvk lcdulo crredtc:mvnto.

LUNGOR LUNAM 13:14

odokkc kanggod kvdv:dokki okodc cdcm ager gerdopc mclvgdagji simvndok dungkolo, cdc yaddag sc:kobulu mo:pvso du:dagji, bulum simvndokkcpc monam moimangko modopc lulvgko lula: lula okodcm madsvgdokki pakedaggom turra du:toji;

LUNGOR LUNAM 18:23

odokkc saki:lok ruadko nokkolo cdvlosin ka:begma:yckubong; odokkc magbodoklang yamncdok gomukko nokkc cdvlosin tadbegkuma:bong, kapcnc nok mircm rcmnckvdv:dc mo:pvsok bottcru:nc tani:yai, odokkc appvng opvnkvdv:dc nok moyadla morunamki yadmoto.

LUNGOR LUNAM 19:20

Odokkc cdc simvndcm ycnggapto, odokkc odok lcdulo cdc lume: lungor luncdcm sc:kobv odok kangkolo kanggod agercm gerkaji okodokki bv yattoji sc:kobulu simvndok tubjetdcm torvgsutoji odokkc cdc sc:kobulu odok monam moimangdcm kumdagji. Cdc anyidcm turpc turpc siycngcmpinc vmv-pa:ta:do cdc gondokki parnam vmvdo cryi:lvgto.